ஐக்கிய அமீரகத்தில் ஒரே இரவில் கோடீஸ்வரர்களான 20 இந்தியர்கள்: நேரலையில் கண்கலங்கிய தருணம்

ஐக்கிய அமீரகத்தில் Big Ticket என்ற லொட்டரியில் இந்தியாவை சேர்ந்த 20 நண்பர்கள் மொத்தம் ரூ 33 கோடி பரிசை அள்ளிய தகவல் வெளியாகியுள்ளது.

15 மில்லியன் திர்ஹாம்
ஐக்கிய அரபு அமீரகத்தில் கட்டுமான நிறுவனங்களிலும் டாக்ஸி சாரதிகளாகவும் பணியாற்றிவரும் 20 நண்பர்கள் சேர்ந்து Big Ticket லொட்டரி வாங்கியுள்ளனர். முகமது ஷெரீப் என்பவர் தலைமையில் அந்த நண்பர்கள் கடந்த 23ம் திகதி வாங்கிய லொட்டரி சீட்டுக்கு 15 மில்லியன் திர்ஹாம் பரிசு கிடைத்துள்ளது.

குறித்த தகவலை லொட்டரி நிறுவன அதிகாரிகள் தொலைபேசியில் தொடர்பு கொண்டு தெரிவிக்கையில், ஷெரீப் என்பவரால் நம்ப முடியவில்லை என்பதுடன், நேரலையில் கண்கலங்கியுள்ளார்.

வாய்ப்பு அமையும் போதெல்லாம் நண்பர்கள் 20 பேர்களும் Big Ticket லொட்டரி வாங்கி வந்துள்ளனர். ஆனால் இதுவரை அவர்களுக்கு வெற்றி வாய்ப்பு அமையவில்லை. ஒருமுறை தங்களுக்கும் அந்த வெற்றி கிட்டும் என்ற நம்பிக்கை மட்டுமே அவர்களுக்கு இருந்துள்ளது.

தலா ரூ 1.69 கோடி பங்கு
ஷெரீப் உள்ளிட்ட அந்த இருபது பேரும் ஒரே குடியிருப்பில் வசிக்கின்றனர். இவர்களில் சிலர் டாக்சி சாரதிகளாக வேலை செய்கிறார்கள், சிலர் குறைந்த சம்பளத்தில் கட்டுமான நிறுவனங்களில் பணியாற்றி வருகின்றனர்.

தற்போது இந்திய பண மதிப்பில் சுமார் ரூ 33.83 கோடி பரிசாக வென்றுள்ளனர். ஒவ்வொருவருக்கும் தலா ரூ 1.69 கோடி பங்கு கிடைக்கும் என்றே கூறப்படுகிறது.

லொட்டரி வெற்றியாளரை அறிவிக்கையில், கண்கலங்கிய ஷெரீப், தாமும் நண்பர்களும் தற்போது கோடீஸ்வரர்களாகியுள்ளோம் என்று மகிழ்ச்சி பொங்க தெரிவித்துள்ளார்.