26 வயதேயான பிரபல ஆபாச நடிகை மர்ம மரணம்..!

அமெரிக்கா மியாமி பகுதியை சேர்ந்தவர் சோபியா லியோன் (Sophia Leone). இவர் பிரபல ஆபாச பட நடிகை ஆவார். ஒன்லி பேன்ஸ் எனப்படும் பணம் செலுத்தி ஆபாச படம் பார்க்கும் பக்கத்திலும் இவருக்கு பின்தொடர்பாளர்கள் அதிகம். இந்நிலையில், கடந்த மார்ச் 01ம் தேதி முதல் நடிகை சோபியாவை தொடர்புகொள்ள முடியவில்லை

இந்நிலையில் மியாமியில் இருக்கும் தனது வீட்டில் வசித்து வந்த நடிகை சோபியாவை தொடர்பு கொள்ள இயலாததால், நேற்று காவல் துறையினருக்கு தகவல் தெரிவிக்கப்பட்டுள்ளது. அதிகாரிகள் நடிகையின் வீட்டிற்குள் சென்று பார்த்தபோது, அவர் மர்மமான முறையில் உயிரிழந்தவாறு சடலமாக மீட்கப்பட்டார். பின், அவரின் உடலை பிரேத பரிசோதனைக்காக அனுப்பி வைத்த அதிகாரிகள், இதுகுறித்து விசாரணை நடத்தி வருகின்றனர்.

கடந்த சில ஆண்டுகளாகவே ஆபாச பட நடிகைகளின் இளவயது மர்ம மரணங்கள் என்பது தொடர்ந்து வருகிறது. கடந்த பிப் 15ம் தேதி நடிகை காஃனே லின் கார்ட்டர் மர்மமான வகையில் உயிரிழந்தார். நடிகை எமிலி வில்லிஸ் கோமாவில் இருக்கிறார். இவ்வாறாக பல மரணங்கள் ஆபாச படங்களில் நடிக்கும் நடிகைகளிடம் மர்மமான வகையில் தொடர்கிறது.