தாத்தா ரஜினியே அப்படியே ஜெராக்ஸ் எடுத்த பேரன் யாத்ரா.

யாத்ராவின் லேட்டஸ்ட் புகைப்படத்தை பார்த்த பலரும் அச்சு அசல் தாத்தாவை போல் இருக்கிறார் என்று சமூக வலைதளங்களில் கமெண்ட் செய்துள்ளனர். தனுஷ் நடிப்பில் அருண்மாதேஸ்வரன் இயக்கத்தில் உருவாகியுள்ள கேப்டன் மில்லர் திரைப்படம் வரும் 12ஆம் தேதி திரைக்கு வருகிறது.

இதையொட்டி படத்தின் ட்ரெய்லர் வெளியீட்டு விழா சமீபத்தில் நடைபெற்றது. இதில் தனுஷ் தனது மகன்கள் லிங்கா மற்றும் யாத்ரா உடன் கலந்து கொண்டார். பெரும்பாலும் அவர் பங்கேற்கும் சினிமா துறை தொடர்பான நிகழ்ச்சிகளில் தனது மகன்களுடன் பங்கேற்பதை வழக்கமாக வைத்திருக்கிறார். இந்நிலையில் தனுஷ் அருகே அமர்ந்திருந்த மகன் யாத்ரா இளம் வயதில் ரஜினி எப்படி இருப்பாரோ அதேபோன்ற தோற்றத்தை நினைவுபடுத்தினார்.

குறிப்பாக தில்லு முல்லு படத்தில் ரஜினிகாந்த் மீசை இல்லாமல் நடித்திருப்பார். யாத்ராவை பார்க்கும் போது தில்லுமுல்லு பட ரஜினிகாந்த் நினைவுக்கு வருவதாக சமூக வலைதளங்களில் ரஜினி மற்றும் தனுஷ் ரசிகர்கள் சிலாகித்து கூறியுள்ளனர். அந்த வகையில் யாத்ரா மற்றும் ரஜினியின் படங்கள் இணைத்து வைக்கப்பட்டு சமூக வலைதளங்களில் வைரல் ஆக்கப்பட்டுள்ளது.

தனுஷ் மற்றும் ரஜினியின் மூத்த மகள் ஐஸ்வர்யா இடையே 2004 ஆம் ஆண்டு திருமணம் நடைபெற்றது. 2006ஆம் ஆண்டு யாத்ராவும், 2010-இல் லிங்காவும் பிறந்தனர். தற்போது தனுஷ் மற்றும் ஐஸ்வர்யா பிரிந்து இருக்கும் நிலையில், பொது நிகழ்ச்சிகளுக்கு மகன்களை அழைத்துச் செல்வதை தனுஷ் வழக்கமாக வைத்துள்ளார். தனியார் பள்ளி ஒன்றில் யாத்ரா 12 ஆம் வகுப்பு படித்து வருகிறார். ரஜினி போன்று இருப்பதால் யாத்ராவை ரஜினி ரசிகர்களும் தனுஷ் ரசிகர்களும் கொண்டாடி வருகின்றனர்.