புதிய இதய ஆய்வு எச்சரிக்கை: பிரேக்ஃபாஸ்ட் காலை 8 மணிக்கும், டின்னர் இரவு 8 மணிக்கும் சாப்பிட வேண்டும் ஏன்?

நேரக்  கட்டுப்பாட்டுடன் சாப்பிடும் உணவு, உடலைக் குணப்படுத்தவும் ஓய்வெடுக்கவும் நீண்ட நேரம் அனுமதிக்கிறது என்பதை நாம் அனைவரும் அறிவோம். எனவே, அது இதயம் உட்பட அனைத்து உறுப்புகளையும் சரிசெய்கிறது. இப்போது ஒரு புதிய ஆய்வு உண்மையில் காலை உணவு மற்றும் உணவின் நேரம் நமது இதய ஆரோக்கியத்தை பாதிக்கும் சதவீதத்தை கணக்கிட்டுள்ளது. இந்த ஆய்வு 2009, 2022-க்கு இடையில் 1,00,000-க்கும் மேற்பட்ட நபர்களின் மாதிரியில் மேற்கொள்ளப்பட்டதால் நம்பத்தகுந்ததாகத் தெரிகிறது.

இந்த புதிய ஆய்வு என்ன சொல்கிறது?

முதல் அல்லது கடைசி உணவைத் தாமதமாக சாப்பிடுவது இருதய நோய்க்கான அதிக ஆபத்துடன் தொடர்புடையது என்று ஆராய்ச்சியாளர்கள் கண்டறிந்துள்ளனர். ஒரு நீண்ட இரவு நேர உண்ணாவிரதம் பக்கவாதம் போன்ற செரிப்ரோவாஸ்குலர் நோயின் அபாயத்தைக் குறைக்கிறது என்றும் தோன்றுகிறது. ஒரு நாளின் முதல் உணவை தாமதப்படுத்துவது ஒரு மணிநேர தாமதத்திற்கு இருதய நோய் அபாயத்தில் 6 சதவீதம் அதிகரிப்புடன் தொடர்புடையது. இரவு 9 மணிக்குப் பிறகு இரவு உணவை உண்பது பக்கவாதம் போன்ற பெருமூளை நோய் அபாயத்தில் 28 சதவீதம் அதிகரிப்புடன் தொடர்புடையது, இது இரவு 8 மணிக்கு முன் சாப்பிடுவதை விட, குறிப்பாக பெண்களிடையே கண்டறியப்பட்டுள்ளது.