Stock to Watch Today: வாரத்தின் கடைசி நாளில் முதலீட்டாளர்கள் கூடுதல் கவனம் செலுத்த வேண்டிய பங்குகள்…

NSE IX யில் GIFT நிஃப்டி 6 புள்ளிகள் உயர்ந்து 21,700 என்ற நிலையில் வர்த்தகமானது. வெள்ளிக்கிழமை வர்த்தகத்தில் இந்திய பங்குச்சந்தை வர்த்தகத்தில் ஏற்றம் அடையும் என தெரிவிக்கப்பட்டுள்ளது. இந்த நிலையில் ஜனவரி 12ம் தேதியான இன்றைய வர்த்தகத்தில் முதலீட்டாளர்கள் அதிக கவனம் செலுத்த வேண்டிய பங்குகள் எவை என்பதைப் பார்ப்போம்.

இன்ஃபோசிஸ்

பெங்களூரைச் சேர்ந்த மென்பொருள் ஏற்றுமதியாளரின் நிகர லாபம் டிசம்பருடன் முடிவடைந்த காலாண்டில் 7% சரிந்து ரூ.6,106 கோடியாக உள்ளது. மூன்றாம் காலாண்டில் வருவாய் 1% அதிகரித்து ரூ.38,821 கோடியாக உள்ளது.

டிசிஎஸ்

டிசிஎஸ் இந்த காலாண்டில் ஒருங்கிணைந்த நிகர லாபம் 2% வளர்ச்சி அடைந்து ரூ.11,058 கோடியாகவும், வருவாய் 4% அதிகரித்து ரூ.60,583 கோடியாகவும் உள்ளது.

ஹெச்சிஎல் டெக், விப்ரோ, ஹெச்டிஎஃப்சி லைஃப்

இன்று பல நிறுவனங்கள் தங்களின் மூன்றாம் காலாண்டு முடிவுகளை அறிவிக்க உள்ளன. இதில் ஹெச்சிஎல் டெக், விப்ரோ, ஹெச்டிஎஃப்சி லைஃப் முடிவுடைகளை வெளியிட இருப்பதால், இந்த பங்குகள் அதிக கவனம் பெறும்

5 பைசா கேப்பிட்டல்

பங்குத் தரகு நிறுவனமான 5பைசா கேபிட்டலின் ஒருங்கிணைந்த நிகர லாபம் டிசம்பர் மாதத்துடன் முடிவடைந்த காலாண்டில் 37% உயர்ந்து ரூ.15.1 கோடியாக உள்ளது. காலாண்டில் ஒருங்கிணைந்த வருமானம் ஆண்டுக்கு 20% உயர்ந்துள்ளது.

நைக்கா

லெக்ஸ்டேல் இன்டர்நேஷனல் ஒரு பிளாக் ஒப்பந்தம் மூலம் Nykaa இன் 2.62 கோடி பங்குகளை விற்க வாய்ப்புள்ளது என்று தகவல்கள் தெரிவிக்கின்றன.

எல்.ஐ.சி

மும்பை வருமான வரித்துறை உதவி ஆணையரிடமிருந்து எல்ஐசி நோட்டீஸ் பெற்றுள்ளதாக தெரிவித்துள்ளது. இந்த உத்தரவுக்கு எதிராக மும்பை கமிஷனர் மேல்முறையீடு செய்ய உள்ளதாக நிறுவனம் தெரிவித்துள்ளது.

பாலிகேப்

பாலிகேப் நிறுவனத்தில் வருமான வரித் துறை சோதனை நடத்தியதின் முடிவு குறித்து தகவல் தொழில்நுட்பத் துறையிடமிருந்து எந்த எழுத்துப்பூர்வ தகவல்களையும் இன்றுவரை பெறவில்லை என்று மீண்டும் தெரிவித்துள்ளது.