வீட்டுக்குள் வரிசையாக வாகனங்கள் நுழைவதைக் கண்ட நபர் செய்த செயல்: கொலையில் முடிந்த சம்பவம்

கடந்த ஆண்டு, ஒரு நாள் இரவு, தன் வீட்டு காம்பவுண்டுக்குள் வாகனங்கள் சில வரிசையாக நுழைவதைக் கண்ட வீட்டு உரிமையாளர் செய்த செயல், அவரை நீதிமன்றம் கொண்டு சென்றுள்ளது.

வீட்டுக்குள் வரிசையாக வாகனங்கள் நுழைவதைக் கண்ட நபர்

கடந்த ஆண்டு, ஏப்ரல் மாதத்தில் ஒரு சனிக்கிழமை இரவு, நியூயார்க்கில், கெவின் (Kevin Monahan, 66) என்பவர் தனது வீட்டு காம்பவுண்டுக்குள் வாகனங்கள் சில வரிசையாக நுழைவதைக் கண்டுள்ளார்.

யாரோ சிலர் தன் வீட்டை சுற்றிவளைக்க வந்துள்ளதாக தான் கருதியதாக தெரிவிக்கும் கெவின், வாகனங்களைக் கண்டு தன் மனைவி ஓரிடத்தில் பதுங்கிக்கொண்டதாகவும், தன் மனைவிக்கு எந்த ஆபத்தும் ஏற்பட்டுவிடக்கூடாது என்று என்ணி, தான் தன்னிடம் ஆயுதம் உள்ளது என்பதைக் காட்டுவதற்காக தனது துப்பாக்கியால் சுட்டதாகவும் தெரிவிக்கிறார்.

ஆனால், தவறுதலாக தன் கைபட்டு இரண்டாவது முறையும் துப்பாக்கி வெடித்துவிட்டதாக தெரிவித்துள்ளார் கெவின்.

எதிர் தரப்பின் வாதம்

ஆனால், கெவின் இரண்டாவது முறை சுட்டபோது, வாகனம் ஒன்றிலிருந்த கெய்லின் (Kaylin Gillis, 20) என்ற இளம்பெண்ணின் கழுத்தில் குண்டு பாய்ந்து அவர் உயிரிழந்துவிட்டார்.