ராஷ்மிகா மந்தனா டீப் பேக் விவகாரம்.. புயலை கிளப்பிய நபர் கைது.. விசாரணையில் அதிர்ச்சி..!
நடிகை ராஷ்மிகா மந்தனாவின் போலி வீடியோவை வெளியிட்ட 24 வயது இளைஞர் கைது செய்யப்பட்டுள்ளார்.
டீப்ஃபேக் குறித்த நாடு முழுவதும் விவாதத்தை கிளப்பிய வழக்கில் மூளையாக செயல்பட்டவர் ஆந்திராவில் கைது செய்யப்பட்டு புதுதில்லிக்கு அழைத்து வரப்பட்டார்.
டீப்ஃபேக்குகள் என்பது செயற்கை நுண்ணறிவைப் பயன்படுத்தி உருவாக்கப்பட்ட ஒரு வகையான செயற்கை ஊடகமாகும். இது காட்சி மற்றும் ஆடியோ கூறுகளைக் கையாள அதிநவீன அல்காரிதம்களைப் பயன்படுத்துகிறது.
குற்றம் சாட்டப்பட்டவர் இமானி நவீன், டிஜிட்டல் மார்க்கெட்டர் என அடையாளம் காணப்பட்டுள்ளார். டீப்ஃபேக் வீடியோவுடன் தொடர்புடைய 500க்கும் மேற்பட்ட சமூக ஊடக கணக்குகளை ஆய்வு செய்த டெல்லி போலீசார் நவீனிடம் விசாரணை நடத்தி வருகின்றனர். விசாரணையின் போது, 24 வயதான நபர் குற்றத்தை ஒப்புக்கொண்டார் மற்றும் இன்ஸ்டாகிராமில் பின்தொடர்பவர்களைப் அதிக மாக்க அந்த வீடியோவை உருவாக்கியதாகக் கூறினார்.
தான் ராஷ்மிகா மந்தனாவின் ரசிகன் என்றும், ராஷ்மிகாவின் ரசிகர் பக்கத்தை நடத்தி வந்ததாகவும் நவீன் கூறியுள்ளார். இதனால் தனக்கு சிக்கல் ஏற்படும் என்பதை உணர்ந்த நவீன் அந்த பதிவுகளை நீக்கிவிட்டு இன்ஸ்டாகிராம் சேனலின் பெயரை மாற்றியுள்ளார். அவர் தனது சாதனங்களிலிருந்து தொடர்புடைய டிஜிட்டல் தரவையும் அகற்றினார்.
