பிரின்ஸ் எட்வர்ட் தீவுக்கான புதிய செனட்டரை நியமித்த ஜஸ்டின் ட்ரூடோ: வெளியிட்ட அறிக்கை

மேரி ராபின்சனை பிரின்ஸ் எட்வர்ட் தீவுக்கான புதிய செனட்டராக கனேடிய பிரதமர் ஜஸ்டின் ட்ரூடோ நியமித்து அறிக்கை வெளியிட்டுள்ளார்.

மேரி ராபின்சன்

கனேடிய அரசின் சார்பில் வெளியிடப்பட்ட அறிக்கையில், உலக விவசாயிகள் அமைப்பின் துணைத் தலைவராக பணியாற்றும் மேரி ராபின்சன், பிரின்ஸ் எட்வர்ட் தீவின் செனட்டராக பணியாற்றுவார் என தெரிவிக்கப்பட்டுள்ளது.

மேலும் அந்த அறிக்கையில், ‘மேரி ராபின்சன் விவசாயத் துறையில் உலகளவில் அங்கீகரிக்கப்பட்ட தலைவர். அவர் ஒரு பெருமைமிக்க அட்லாண்டிக் கனேடியன். பிரின்ஸ் எட்வர்ட் தீவில் உள்ள 6வது தலைமுறை பண்ணை மற்றும் விவசாய வணிகமான ராபின்சன் குழுமத்தின் நிர்வாக பார்ட்னர் ஆக உள்ளார்.

மேரி கனேடிய விவசாயக் கூட்டமைப்பின் முன்னாள் தலைவர் மற்றும் அந்தப் பதவியை வகித்த முதல் பெண்மணி ஆவார்.

ட்ரூடோ பதிவு

பிரதமர் ஜஸ்டின் ட்ரூடோ தனது பதிவில், ‘இன்று, நாடாளுமன்றத்தின் புதிய சுதந்திரமான செனட்டராக மேரி ராபின்சனை வரவேற்கிறோம்.

விவசாயம் மற்றும் வணிகத்தில் அவரது அனுபவம் செனட்டிற்கு ஒரு முக்கியமான முன்னோக்கி கொண்டு வரப்போகிறது. அவருடன் பணிபுரிய ஆவலுடன் காத்திருக்கிறேன்’ என தெரிவித்துள்ளார்.