Chicken Liver Fry: பார்த்தாலோ நாக்கில் எச்சில் ஊற வைக்கும் சிக்கன் லிவர் ஃப்ரை.. உடலுக்கு சத்தானதும் கூட!

கோழிக் கல்லீரலைச் சாப்பிடுவதால், அதில் உள்ள சத்துக்களால் நமது ரத்தம் ஆரோக்கியமாக இருக்கும். மூளையின் செயல்பாட்டையும் மாற்றுகிறது. எனவே வாரம் ஒருமுறை கோழி ஈரல் சாப்பிடுவது மிகவும் அவசியம்.

அப்படி சிக்கன் லிவர் ஃப்ரை எப்படி ருசியாக செய்யலாம் என இங்கே கொடுக்கப்பட்டுள்ளது. இப்படி செய்தால் சுவை அமோகமாக இருக்கும். இப்படி செய்தால் உங்கள் வீட்டில் கோழி ஈரலை விரும்பாதவர்கள் கூட ஆசையாக விரும்பி சாப்பிடுவார்கள்.

சிக்கன் லிவர் ஃப்ரை ரெசிபிக்கு தேவையான பொருட்கள்

கோழி கல்லீரல் – அரைகிலோ

வெங்காயம் – இரண்டு

மிளகாய் – இரண்டு ஸ்பூன்

இஞ்சி பூண்டு விழுது – ஒன்றரை ஸ்பூன்

கொத்தமல்லி தூள் – ஒரு ஸ்பூன்

மஞ்சள்தூள் – அரை ஸ்பூன்

கரம் மசாலா – அரை ஸ்பூன்

மிளகாய் – இரண்டு

கறிவேப்பிலை – கொத்து

கொத்தமல்லி தூள் – மூன்று ஸ்பூன்

உப்பு – சுவைக்கேற்ப

கோழி கல்லீரல் வறுவல் செய்முறை

1. கோழி கல்லீரலை சுத்தம் செய்து ஒரு பாத்திரத்தில் எடுத்து கொள்ள வேண்டும்.

2. மிளகாய்த்தூள், மல்லித்தூள், சீரகத்தூள், இஞ்சி பூண்டு விழுது, மஞ்சள்தூள் சேர்த்து நன்கு கலந்து பத்து நிமிடம் ஊற வைக்க வேண்டும்.

3. இப்போது வெங்காயத்தை மெல்லியதாக நறுக்கி எடுத்து கொள்ள வேண்டும்..

4. அடுப்பில் கடாயை வைத்து வெங்காயத்தை வதக்க வேண்டும்.

5. பிறகு செங்குத்தாக வெட்டிய பச்சை மிளகாய் மற்றும் ஒரு கொத்து கறிவேப்பிலை சேர்த்து வதக்க வேண்டும்.

6. வெங்காயத்தை நிறம் மாறும் வரை வதக்கவும்.

7. இப்போது ஏற்கனவே மாரினேட் செய்த கோழி ஈரலைச் சேர்த்து நன்கு கலக்கவும்.

8. சுவைக்கேற்ப உப்பு சேர்த்து கொள்ளலாம்.

9. மிதமான தீயில் மூடி வைக்கவும்.

10. பத்து நிமிடங்களுக்கு சமைக்க வேண்டும். பிறகு வெளியே எடுத்து கரம் மசாலா தூவி இறக்க வேண்டும்.

11. மீண்டும் மூடியை மூடி, குறைந்த தீயில் அரை மணி நேரம் சமைக்கவும்.

12. மூடியை அகற்றி கொத்தமல்லி தழை தூவி இறக்கவும். அவ்வளவுதான் சிக்கன் லிவர் ஃப்ரை ரெடி.

13. சாதம் அல்லது சப்பாத்தியுடன் சாப்பிட மிகவும் சுவையாக இருக்கும். சிற்றுண்டியாகச் சாப்பிட்டாலும் சுவையாக இருக்கும். குழந்தைகளுக்கு இந்த சிக்கன் நல்லது

கோழி கல்லீரலில் ஃபோலேட் சத்து அதிகம் உள்ளது. இது நம் உடலுக்கு இன்றியமையாதது. இதை ஆண்கள் சாப்பிடுவதால் அவர்களின் பாலியல் சக்தி திறன் அதிகரிக்கிறது. கோழி கல்லீரல் தசைகளை வலுப்படுத்தவும் உதவுகிறது. இது எலும்புகளை வலுவாக்கும். எனவே குழந்தைகளுக்கு இந்த கோழி ஈரல் தருவது மிகவும். கோழி கல்லீரல் சில வகையான புற்றுநோய்களைத் தடுக்க உதவுகிறது.