36 Years of Sathya: எம்ஜிஆருக்காக டெடிகேட் செய்யப்பட்ட படம்! கமலை பிடிக்காதவர்களையும் பிடிக்க வைத்த சத்யா

அத்துடன் கமலின் லுக், ஸ்டைல், நடிப்பு என அனைத்தும் மிகவும் ரசிக்கதக்க வகையில் இருந்ததும் தான்.

சன்னி தியோல் நடிப்பில் இந்தியில் வெளியான அர்ஜுன் என்ற படத்தை சீனுக்கு சீனுக்கு ரீமேக் செய்யாமல், படத்தின் மையக்கதையை மட்டும் வைத்து தமிழில் புதுமையாகவும், விறுவிறுப்பான காட்சிகளுடன் உருவாக்கினார் சத்யா படத்தின் மூலம் இயக்குநராக அறிமுகமாகி பின்னர் முன்னணி இயக்குநராக உருவெடுத்த சுரேஷ் கிருஷ்ணா.

இந்த படத்துக்கு கமல்ஹாசன், சுரேஷ் கிருஷ்ணா, மறைந்த இயக்குநர் கே. பாலசந்தர் உதவி இயக்குநரான அனந்து ஆகியோர் இணைந்து உருவாக்கினர். தனது ராஜ்கமல் நிறுவனம் மூலம் கமல்ஹாசனே படத்தை தயாரித்தார். நாயகன் படத்தில் தாதாவாக தோன்றி தனக்கென்று ஒரு இமேஜ் உருவாக்கிய கமல், சத்யா படத்தில் அப்போதையை இளைஞர்களை பிரதிபலிக்கும் கேரக்டரில் தோன்றி அழட்டிக்கொள்ளாத நடிப்பை வெளிப்படுத்தியிருப்பார்.

படத்தில் வேலையில்லா இளைஞனாக வரும் கமல் நட்புக்கு மரியாதை, சோகம், வலி, காதல், ஏமாற்றம் என அனைத்தையும் சந்திக்கும் கதாபாத்திரத்தில், அனைத்து உணர்வுகளையும் வெளிப்படுத்துபவராக தோன்றி நடிப்பில் ருத்ரதாண்டவம் ஆடியிருப்பார். ட்ரிம் செய்யப்பட்ட ஷார்ட் ஹேர், ட்ரிம் செய்யப்பட்ட மீசை மற்றும் தாடியுடன், கழுத்தில் கயிறு, கையில் காப்பு என கமலின் லுக்கே பார்ப்பவர்களை இம்ரஸ் செய்யும் விதமாக அமைந்திருக்கும். கமலின் இந்த தோற்றம் படம் ரிலீஸான சமயத்தில் இளைஞர்கள் மத்தியில் பேஷனாகவே மாறியது.

வேலை தேடிக் கொண்டிருக்கும் பட்டதாரி இளைஞன் தனது குடும்ப சிக்கல்கள் ஒரு புறம், சமூக சீர்கேடுகள் மறுபுறம் என தாங்கிக்கொள்ள முடியாமல் பொங்கி எழுவதும், அரசியல் சுயலாபத்தில் சிக்கி மீண்டு வருவதும்தான் படத்தின் ஒன்லைன்.

கமல் ஜோடியாக அமலா நடித்திருப்பார். நாசர், ஜி.எம். சுந்தர், ஆனந்த், வடிவுக்கரசி, ஜனகராஜ் உள்பட பலரும் நடித்திருப்பார்கள். ராஜேஷ், கிட்டி வில்லத்தனத்தில் மிரட்டியிருப்பார்கள். அரசியல்வாதியாக வரும் கிட்டி அமைதியாக வில்லனிசம் செய்து, பிரம்மாதமான நடிப்பை வெளிப்படுத்தியிருப்பார்.

பக்கா கமர்ஷியல் படமாக இருந்தாலும் அதை உருவாக்கிய விதத்தில் தனித்துவம் இருந்த இந்த படம், தமிழ் சினிமாவுக்கு புதுமையான ட்ரெண்டை உருவாக்கியது. படத்தில் மலையாள பெண்ணாக வரும் அமலாவுடனான காதல் காட்சிகளில் அழகாக ஜொலித்திருக்கும் கமல், தன்னை சுற்றி நடக்கும் அவலங்களை கண்டு பொங்குவதிலும், நண்பனை கொன்றவர்களை பழிவாங்குவதில் ஆக்ரோஷத்தை வெளிப்படுத்தியிருப்பார்.