மாலைதீவு அரசு வழக்கறிஞர் தாக்குதல் சம்பவம்: தொடரும் பதற்றம்

மாலைதீவு அரசு வழக்கறிஞரான ஹுசைன் ஷமீமை அடையாளம் தெரியாத நபர்கள் கத்தியால் குத்திய சம்பவத்தினால் அங்கு பதற்றமான சூழ்நிலை உருவாகியிருப்பதாக தெரிவிக்கப்பட்டுள்ளது.

மாலைதீவு நாடாளுமன்ற உறுப்பினர்கள் மீது தாக்குதல் நடந்து வரும் நிலையில் மாலைதீவு அரசால் நியமிக்கப்பட்ட வழக்கறிஞரை பட்டப்பகலில் கத்தியால் குத்திய சம்பவமானது அதிர்ச்சியை ஏற்படுத்தியுள்ளது.

மாலைதீவில் தற்போது முகமது முய்ஸு அதிபராக இருந்து வருகிறார், சீன ஆதரவு நிலைப்பாட்டை கொண்டிருக்கும் அவரது ஆட்சியில் சட்டம் ஒழுங்கு நிலை மோசமடைந்துள்ளதை எடுத்துக்காட்டும் வகையில் இந்த சம்பவம் நடந்துள்ளதாக பலதரப்பட்டோரும் தெரிவித்து வருகின்றனர்.