கண் இமைகளில் அடிக்கடி கட்டி உருவாக என்ன காரணம்..? இந்த மாதிரி இருந்தா உடனே டாக்டரை பாருங்க..!

நம் கண் விழித்திரைகளுக்கு பாதுகாப்பு கவசம் போல அமைந்திருப்பவை கண் இமைகள் தான். கண் இமைகள் சிமிட்டுகின்ற ஒவ்வொரு தருணத்திலும் நம் கண்களுக்குப் புத்துணர்ச்சி கிடைக்கும். அத்தகைய கண் இமையின் மீது ஏற்படுகின்ற கட்டி நமக்கு மிகுந்த வலியை கொடுக்கும். பாக்டீரியா தொற்று காரணமாக அல்லது கண் இமைகளில் உள்ள எண்ணெய் சுரப்பிகளில் ஏற்படுகின்ற அடைப்பு காரணமாக இத்தகைய கட்டிகள் உருவாகலாம்.

இந்த கட்டிகள் நமக்கு மிகுந்த அசௌகரியத்தை கொடுக்கும் மற்றும் எரிச்சலை உண்டாக்கும். ஒட்டுமொத்தமாக நம் மன நிம்மதியை கெடுத்து, அன்றாட பணிகளில் பாதிப்பை ஏற்படுத்தும்.

கண் இமைகளில் கட்டி உண்டாகப் போகின்றது என்பதை தகுந்த அறிகுறிகளுடன் உணர்ந்து, உரிய சிகிச்சைகளை எடுத்துக் கொண்டால் நமக்கு நிவாரணம் கிடைக்கும் மற்றும் ஆரோக்கியத்தை நாம் தக்கவைத்துக் கொள்ள முடியும்.

கண் இமைக் கட்டிகளின் வகைப்பாடுகள் :

எல்லோருக்கும் பொதுவாக ஏற்படக் கூடியது ஸ்டைஸ் ஏ என்ற முதல் வகை பாதிப்பு ஆகும். கண் இமைகளில் உள்ள எண்ணெய் சுரப்பிகளில் பாக்டீரியா புகுந்து கொள்வதன் காரணமாக சிவப்பு நிற கட்டிகள் உருவாகலாம். இது கண் இமைகளில் உள்ள முடிகளை ஒட்டி உண்டாகும்.

Chalazion A என்ற வகை கட்டியானது, நம் கண் இமைகளில் உள்ள எண்ணெய் சுரப்பிகள் அல்லது நீர் சுரப்பிகளில் அடைப்பு ஏற்படும்போது உண்டாகும். இத்தகைய கட்டிகள் நம் கண் இமையை தாண்டியும் வளர்ச்சி அடைந்து நமக்கு பெரும் தொந்தரவுகளை உருவாக்கும்.

Xanthelasma என்ற வகை கட்டி மஞ்சள் நிறத்தில் உண்டாகும். பெரும்பாலும் இதனால் நமக்கு வலி எதுவும் ஏற்படாது. கண் இமை தோல்களுக்கு கீழே கொழுப்பு படிவதன் காரணமாக இந்தக் கட்டி உண்டாகும். சுமார் 35 முதல் 55 வயது வரை உள்ள மக்களுக்கு இத்தகைய பாதிப்பு ஏற்படுவது இயல்புதான்.

காரணங்கள் :

புடைப்புகள், சிறிய சிவப்பு நிற கட்டிகள் போன்றவை பாக்டீரியா பாதிப்பு காரணமாக கண் இமைகளில் ஏற்படுகின்றன.

எண்ணெய் சுரப்பிகளில் ஏற்படுகின்ற அடைப்புகள், அழுக்கு நிறைந்த கைகளால் கண்களை துடைப்பது போன்ற காரணங்களாலும் கட்டிகள் உண்டாகும்.

காலாவதியான கண் மேக்கப் பொருட்களை பயன்படுத்துவதாலும் இந்த பாதிப்பு உண்டாகலாம்.

கண் இமைகளின் மீது உண்டாகின்ற நீடித்த அழற்சி காரணமாக இதுபோன்ற கட்டிகள் உருவாகலாம்.

அறிகுறிகள் :

சிவந்து போகுதல் அல்லது வீக்கம் அடைதல்

வலி அல்லது இலகுவாக உணருதல்

நீர் ஒழுகும் கண்கள்

வெளிச்சத்தை பார்க்க கூச்சம்

கண் இமைகளில் தென்படக் கூடிய புள்ளிகள்

சிகிச்சை :

வெதுவெதுப்பான தண்ணீரில் காட்டன் துணியை நனைத்து கட்டிகள் மீது ஒத்தடம் கொடுக்கலாம். ஒரு நாளில் 6, 7 முறை இந்த சிகிச்சையை மேற்கொள்ளலாம்.

பாக்டீரியா தொற்று ஏற்படாதபடி சுகாதாரமான நடவடிக்கைகளை கையாளுதல் வேண்டும்.
ஆண்டிபயாடிக் மருந்துகள் அல்லது சொட்டு மருந்துகளை எடுத்துக் கொள்ளலாம்.

நீடித்த, பெரிய கட்டிகளுக்கு அரிதாக அறுவை சிகிச்சை தேவைப்படலாம். கண் சிகிச்சை நிபுணர் இந்த சிகிச்சையை மேற்கொள்வார்.