காரில் இந்த பட்டன் எதுக்கு வச்சிருக்காங்க தெரியுமா..? பலருக்கு தெரியாத தகவல்!

காருக்குள் ஏறியதும் அனைவரும் ஏசியை தான் முதலில் ஆன் செய்வோம். குறிப்பாக சம்மர் நேரத்தில் ஏசி இல்லாமல் கார் பயணம் கஷ்டமான ஒன்று. காருக்குள் இருக்கும் ஏசிக்கான பட்டன் அனைவருக்கும் தெரியும்.

ஆனால் ஏசி பட்டன் அருகே இருக்கும் மற்றொரு பட்டன் குறித்து பெரும்பாலானோருக்கு தெரியாது. வளைந்த அம்புக்குறி அடையாளத்துடன் இருக்கும் அந்த ஏசி பட்டன் எதற்கு தெரியுமா?

அந்த பட்டன் காற்று மறுசுழற்சிக்கானது. காற்று மறுசுழற்சி என்பது கார் ஏசியின் ஒரு சிறப்பு அம்சமாகும். எனவே காற்று மறுசுழற்சி எவ்வாறு செயல்படுகிறது என்பதை அறிந்து கொள்வோம்.

காற்று மறுசுழற்சி பட்டனைஅழுத்துவதன் மூலம் காரின் காற்று மறுசுழற்சி அமைப்பு செயல்படத் தொடங்குகிறது. காருக்கு வெளியே காற்று மிகவும் சூடாக இருக்கும்போது இந்த அம்சம் கோடையில் பயன்படுத்தப்படுகிறது.

உண்மையில், கோடைக்காலத்தில் காரின் ஏசி, வெளியில் இருந்து வரும் அனல் காற்றை இழுத்து குளிர்விக்கப் கஷ்டப்படும். அத்தகைய சூழ்நிலையில், ஏசி மூலம் காரை குளிர்விக்க நீண்ட நேரம் எடுக்கும்.

மறுபுறம், காற்று மறுசுழற்சி பயன்படுத்தப்பட்டால், அது சில நிமிடங்களில் காரை குளிர்விக்கும். அதாவது, மறுசுழற்சி பட்டன் இயக்கப்பட்டால், காரின் ஏசி, வெளிப்புறக் காற்றைப் பயன்படுத்தாது. காருக்குள் இருக்கும் காற்றை மீண்டும் பயன்படுத்துகிறது.

கார் குளிர்ந்தவுடன் காற்று மறுசுழற்சியை நிறுத்தி வழக்கமான ஏசியை இயக்கலாம். குளிர்காலத்தில் காற்று மறுசுழற்சி அதிகம் பயன்படாது. இருப்பினும், குளிர்காலத்தில், கண்ணாடியிலிருந்து மூடுபனியை அகற்ற, காரின் கேபினுக்குள் மறுசுழற்சி பயன்படுத்தப்படுகிறது.