Depression: காற்று மாசால் விபரீதம்.. மன நல பிரச்சனை அதிகரிக்க வாய்ப்பு.. ஆய்வில் அதிர்ச்சி தகவல்!

காற்று மாசுபாடு மனச்சோர்வு மற்றும் மனநல பிரச்சனைகளை ஏற்படுத்தும், ICMR என்ன சொல்கிறது என்பதை தெரிந்து கொள்ளுங்கள்.

உலகம் முழுவதும் நாளுக்கு நாள் காற்று மாசுபாடு அதிகரித்து வருகிறது. இந்தியாவை பொருத்தமட்டில் தலைநகர் தில்லி உள்ள வட மாநிலங்கள் காற்று மாசுபாட்டால் அதிகம் பாதிக்கப்பட்டுள்ளது. இது தொடர்ந்து கவலைக்கிடமான ஒன்றாகவே பார்க்கப்படுகிறது.

காற்று மாசுபாடு பல்வேறு உடல் நல பிரச்சனைகளை ஏற்படுத்து கிறது என்பது தெரியும் ஆனால் காற்றுமாசு தற்போது மனச்சோர்வு மற்றும் மன நல பிரச்சனைகளைள ஏற்படுத்துகிறது எனஅதிர்ச்சி தரும் ஆய்வு முடிவுகள் வெளியாகி உள்ளது. இதை ICMR சுட்டிக்காட்டி எச்சரிக்கை விடுத்துள்ளது.

காற்று மாசுபாடு மனநல பிரச்சனைகளை ஏற்படுத்துமா? மூளை பாதிப்பு எப்படி ஏற்படலாம் என்பது குறித்து இங்கு பார்க்கலாம்.

சுற்றுச்சூழல் மாசுபாடு மற்றும் மனநலம் ஆகியவற்றுக்கு இடையேயான தொடர்பு குறித்து, இந்திய மருத்துவ ஆராய்ச்சி கவுன்சில் (ஐசிஎம்ஆர்) தேசிய பசுமை தீர்ப்பாயத்தில் (என்ஜிடி) சுற்றுச்சூழல் மாசுபாடு மனநலப் பிரச்சினைகளை அதிகரிக்கும் என்று கூறியது. ICMR துணை இயக்குநர் ஜெனரல், புதுடெல்லி, மனநலத்தில் காற்று மாசுபாட்டின் விளைவுகள் குறித்த அறிக்கையை சமர்ப்பித்துள்ளார்.

காற்று மாசுபாட்டில் உள்ள பல்வேறு இரசாயனங்கள் மனித உடலின் பல்வேறு உறுப்புகளில், குறிப்பாக மூளையில் கடுமையான விளைவுகளை ஏற்படுத்துகின்றன என்று NGT தெரிவித்துள்ளது.

NGT இன் இணையதளத்தில் வெளியிடப்பட்ட ஒரு அறிக்கை, காற்று மாசுபாடு மற்றும் மோசமான மன ஆரோக்கியம் ஆகியவற்றுக்கு இடையேயான சாத்தியமான காரண தொடர்புகளை ஆராய அதிக உயிரியல் மருத்துவ ஆய்வுகள் தேவை என்று பரிந்துரைத்தது. தற்போதைய மெட்டா பகுப்பாய்வு 22 ஆய்வுகளை ஆய்வு செய்தது. இது காற்று மாசுபாட்டிற்கும் கவலைக்கும் இடையே வலுவான தொடர்பைக் கண்டறிந்தது.

பிரிட்டிஷ் ஜர்னல் ஆஃப் சைக்கியாட்ரியில் வெளியிடப்பட்ட சில ஆய்வுகளில் இதே போன்ற தகவல்கள் கண்டறியப்பட்டுள்ளன. இங்கு நைட்ரஜன் டை ஆக்சைடு, நைட்ரஜன் ஆக்சைடு மற்றும் PM 2.5 ஆகியவற்றின் அதிகரிப்பு ஒரு நபரின் மன நிலையை கடுமையாக பாதிக்கும் என்று அவதானிக்கப்பட்டுள்ளது.

கர்ப்பிணிப் பெண்களுக்கு மாசுபாட்டினால் ஏற்படும் மனச்சோர்வு மற்றும் பதட்டத்தின் ஆபத்து குறித்து சியோலில் நடத்தப்பட்ட மற்றொரு ஆய்வை ICMR மேற்கோள் காட்டியது. 1481 பெண்களின் ஒவ்வொரு மூன்று மாதங்களிலும் PM2.5, PM10, NO2 மற்றும் O3 ஆகியவற்றின் வெளிப்பாடுகளை ஆய்வு மதிப்பீடு செய்தது.

ஐசிஎம்ஆர் மற்றொரு ஆய்வை மேற்கோள் காட்டியது, இது போக்குவரத்தால் ஏற்படும் காற்று மாசுபாடு பெருமூளை வெள்ளைப் பொருள், கார்டிகல் கிரே மேட்டர் மற்றும் பேசல் கேங்க்லியாவை சேதப்படுத்தும் என்பதைக் கண்டறிந்துள்ளது.