சொந்தமாக தனி விமானம் வைத்திருக்கும் தென்னிந்திய பிரபலங்கள்.. யார் யார் தெரியுமா?

தென்னிந்திய சினிமா பிரபலங்கள் தனியான விமானம் வைத்திருப்பவர்கள் யார் யார் என்பதை இந்த பதிவில் தெரிந்து கொள்வோம்.

சினிமா பிரபலங்கள் என்றால் அவர்களைப் பற்றிய ஒவ்வொரு விடயங்களையும், செயல்களையும் தெரிந்து கொள்ள ரசிகர்கள் அதிக ஆர்வத்துடனே இருப்பார்கள்.

பாலிவுட் பிரபலங்கள் ஆடம்பரமான பங்களா, தனி விமானம் என்று காணப்படும் நிலையில், தென்னிந்திய சினிமா பிரபலங்களில் சிலர் விமானம் வைத்துள்ளனர். குறித்த பிரபலங்கள் யார் யார் என்பதை தெரிந்து கொள்வோம்.

தனிவிமானம் வைத்திருக்கும் பிரபலங்கள்
ராஜமவுலி இயக்கத்தில் வெளியான ஆர்.ஆர்.ஆர் திரைப்படம் மூலம் உலக அளவில் சிறப்பு வாய்ந்த நடிகராக உருவெடுத்தார் ராம் சரண். தெலுங்கு சினிமாவின் முன்னணி நடிகரான சிரங்ஜீவியின் மகனான இவர், சொந்தமாக விமானம் வைத்துள்ளார்.

ஆர்.ஆர்.ஆர் திரைப்படத்தில் ராம் சரண் உடன் நடித்துள்ளார் ஜூனியர் என்.டி.ஆர். இவரும் சொகுசு வாழ்க்கை வாழ விரும்பும் தென்னிந்திய நடிகர்களில் ஒருவர். காரணம் இவர் சுமார் ரூ.8 கோடி மதிப்பில் சொந்தமாக தனி விமானம் வைத்துள்ளார்.

பாகுபலி திரைப்படம் மூலம் ரசிகர்களின் மனதில் நீங்க இடம் பிடித்தவர் நடிகர் பிரபாஸ். தனி விமானம் வைத்திருக்கும் தென்னிந்திய நடிகர்களின் பட்டியலில் இவரும் ஒருவர். இவர் அவ்வப்போது தனது விமானத்தில் ரைட் செல்வதை வழக்கமாக கொண்டுள்ளார்.

சமீபத்தில் வெளியான புஷ்பா திரைப்படம் மூலம் ரசிகர்களின் மனதை கொள்ளை கொண்டார் நடிகர் அல்லு அர்ஜூன். குழந்தைகள் முதல் பெரிவர்கள் வரை என அனைவரும் ரசிக்கும் படியாக புஷ்பா கதாப்பாத்திரத்தில் நடித்திருந்தார். இவர் சமீபத்தில் 6 இருக்கைகள் கொண்ட தனி விமானம் ஒன்றை வாங்கியுள்ளார் என்பது குறிப்பிடத்தக்கது.

தமிழ் சினிமாவின் முன்னனி நடிகையாக வலம் வருபவர் நடிகை நயன்தாரா. ஹீரோக்களுக்கு இணையாக தனது வெற்றி படங்கள் மூலம் ஹிட் கொடுத்து வருகிறார். சினிமாவில் மட்டுமல்ல நிஜ வாழ்க்கையிலும் ஹீரோக்களுக்கு இணையான வாழ்க்கை முறையை தான் வாழ்கிறார். இவர் சமீபத்தில் தனது கணவர் விக்னேஷ் ஷிவனுடன் இணைந்து தனி விமானம் ஒன்றை வாங்கியுள்ளாராம்.