Electric 2-Wheeler Offer:எலக்ட்ரிக் ஸ்கூட்டர் வாங்க திட்டமிருக்கா… உடனே வாங்குங்க… அதிரடி ஆஃபர்கள் காத்திருக்கு…

வாகனங்களை விற்பனை செய்யும் நிறுவனங்கள் பல ஆண்டின் இறுதி மாதமான டிசம்பரில் அதிரடி ஆஃபர்களை வாடிக்கையாளர்களுக்கு வழங்கும். ஏனெனில் வருடத்தின் கடைசியில் வாடிக்கையாளர்கள் புதிய வாகனங்கள் வாங்குவதை சற்று தள்ளி வைப்பார்கள். ஆனால் வாகனங்களை விற்பனை செய்யும் நிறுவனங்கள் பலவும் வாடிக்கையாளர்களை கவரும் விதமாக பல அதிரடியாக ஆஃபர்களை வழங்கும். டிசம்பர் மாதம் இன்னும் சில நாட்களில் முடிவடைய உள்ள நிலையில், எலக்ட்ரிக் ஸ்கூட்டர்களுக்கு பல ஆஃபர்கள் அறிவிக்கப்பட்டுள்ளன. மேலும் எலக்ட்ரிக் வாகனங்களுக்கு மத்திய அரசு வழங்கும் மானியம் இனி வரும் நாட்களில் தொடருமா என தெரியவில்லை. எனவே இப்போது எலக்ட்ரிக் ஸ்கூட்டர் வாங்குவது நல்ல முடிவாக இருக்கும்.

மின்சார வாகன உற்பத்தியாளர்கள் தற்போது பல வகையான ஆஃபர்களை அறிவித்துள்ளனர். அதாவது ஆண்டு இறுதி தள்ளுபடிகள் அறிவிக்கப்பட்டுள்ளன. உதாரணமாக, ஏத்தர் நிறுவனம் இந்த மாதத்திற்கு பிரத்தியேகமாக ரூ.24,000 வரை தள்ளுபடி வழங்குவதாக தெரிவித்துள்ளது. அதாவது ஏத்தர் 450S மற்றும் 450X மாடல்கள் ரூ.6,500 வரை தள்ளுபடி கிடைக்கும் என அந்நிறுவனம் அறிவித்துள்ளது.

இதுமட்டும் இல்லாமல் கூடுதலாக ரூ.1,500 கார்ப்பரேட் சலுகைப் பலன்களுடன் இணைக்கப்பட்டுள்ளன. ‘ஏதர் எலக்ட்ரிக் டிசம்பர்’ திட்டத்தின் கீழ் வாடிக்கையாளர்கள் ரூ.5,000 தள்ளுபடி கிடைக்கும். இந்த ஆஃபர்கள் அனைத்தும் டிசம்பர் 31ம் தேதி வரை மட்டுமே கிடைக்கும் என்று தெரிவிக்கப்பட்டுள்ளது

ஏத்தர் நிறுவனத்தை தொடர்ந்து ஓலா நிறுவனமும் எலக்ட்ரிக் இருசக்கர வாகனங்களுக்கு அதிக தள்ளுபடிகளை அறிவித்துள்ளன. S1X+ மாடல் ஸ்கூட்டரின் விலையை ரூ.20,000 குறைத்துள்ளனர். இந்த ஆஃபர் டிசம்பர் 31ம் தேதி வரை வாடிக்கையாளர்கள் பயன்படுத்த முடியும் என்றும் அந்நிறுவனம் தெரிவித்துள்ளது. இதுமட்டும் இல்லாமல் தேர்ந்தெடுக்கப்பட்ட கிரெடிட் கார்டுகளுக்கு ரூ. 5,000 வரை தள்ளுபடியும் வழங்குகிறது. மேலும் குறைந்த முன்பணத்தில் வாகனம் வாங்குவதற்கு சலுகைகள் வழங்கப்பட்டுள்ளன. எலக்ட்ரிக் வானங்களை வாங்குவதற்கு வசதியாக பூஜ்ஜிய செயலாக்கக் கட்டணங்கள் மற்றும் குறைந்தபட்ச வட்டி விகிதத்தில் கடன் வழங்குவது என பல ஆஃபர்களை ஓலா நிறுவனம் அறிவித்துள்ளது.