லைப்டைம் செட்டில்மென்ட் : தனுஷ் படம் குறித்து மாரி செல்வராஜ் பெருமிதம்

தனது இரண்டாவது படமாக தனுஷை வைத்து இவர் இயக்கிய கர்ணன் திரைப்படம் ரசிகர்களிடம் வரவேற்பை பெற்றது. தொடர்ந்து மாமன்னன், வாழை என அவர் படங்களை இயக்கிய நிலையில் அடுத்ததாக மீண்டும் தனுஷ் படத்தை இயக்குகிறார் என்கிற அறிவிப்பு கடந்த வருடமே அதிகாரப்பூர்வமாக வெளியானது.. இந்த நிலையில் இந்தப் படம் தனக்கு ஒரு லைப் டைம் செட்டில்மெண்ட் படம் போல இருக்கும் என்று கூறியுள்ளார் மாரி செல்வராஜ்.தனுஷ் நடிப்பில் அருண் மாதேஸ்வரன் இயக்கத்தின் உருவாகியுள்ள கேப்டன் மில்லர் திரைப்படத்தின் இசை வெளியீட்டு விழா சமீபத்தில் நேரு உள் விளையாட்டு அரங்கில் நடைபெற்றது. இந்த நிகழ்வில் சிறப்பு விருந்தினராக கலந்து கொண்ட மாரி செல்வராஜ் மேடையில் பேசும்போது, “கர்ணன் படத்தை தொடர்ந்து அதைவிட மிகப்பெரிய படம் ஒன்றை கொடுக்க வேண்டும் என தனுஷ் விரும்பினார். அந்த படம் நிச்சயமாக லோகேஷ் கனகராஜுக்கு கைதி, விக்ரம் படங்கள் எப்படியோ அதுபோல எனக்கு ஒரு லைப் டைம் செட்டில்மென்ட் படமாக இருக்கும்” என்று கூறினார்.