மூட்டு வலிக்கு முடிவு கட்ட… சில எளிய வீட்டு வைத்தியங்கள் இதோ!

பொதுவாக, குளிர்காலத்தில் மூட்டுகளில் வலி அதிகமாக இருக்கும். முக்கியமாக மூட்டு வலியால் பாதிக்கப்பட்டவர்கள் இந்த பருவத்தில் அதிக வலிகளை சந்திக்க வேண்டியிருக்கும்.

மூட்டு வலியைக் குறைக்க நம்மில் பலர் பல்வேறு வகையான களிம்புகள் மற்றும் கிரீம்களைப் பயன்படுத்துகிறோம். ஆனால் நீங்கள் இயற்கையான முறையில் வலியைக் குறைக்க விரும்பினால், நீங்கள் சில பயனுள்ள இலைகளைப் பயன்படுத்தலாம். இந்த இலைகளின் உதவியுடன் மூட்டு வலியிலிருந்து நிவாரணம் பெறலாம். இன்று இந்தக் கட்டுரையில் மூட்டு வலியைக் குறைக்கும் அத்தகைய சில இலைகளைப் பற்றி அறிந்து கொள்ளலாம்.

மூட்டு வலியைக் நீக்கும் புதினா இலைகள்

மூட்டு வலியைக் குறைக்க புதினா இலைகளைப் பயன்படுத்தலாம். இந்த இலையில் அழற்சி எதிர்ப்பு, ஆக்ஸிஜனேற்றிகள், பொட்டாசியம், வைட்டமின் ஏ, ஃபோலேட் போன்ற ஊட்டச்சத்துக்கள் உள்ளன, இது உங்கள் மூட்டு வலியைக் குறைக்கும். இதன் இலைகளை அரைத்து வலி உள்ள இடத்தில் தடவவும். இதனால் வலியில் இருந்து உடனடி நிவாரணம் (Joint Pain Remedies) கிடைக்கும்.

மூட்டு வலியிலிருந்து நிவாரணம் தரும் கொத்தமல்லி இலைகள்

கொத்தமல்லி இலைகள் பல வகையான பிரச்சனைகளை நீக்கும். இது மருத்துவ குணங்களின் களஞ்சியம். இதில் ஆன்டிஆக்ஸிடன்ட்கள் மற்றும் பொட்டாசியம், தயாமின், வைட்டமின் சி போன்ற பல ஊட்டச்சத்துக்கள் உள்ளன. இது இரத்த சர்க்கரையை கட்டுப்படுத்த உதவுகிறது. மேலும், இரத்தத்தில் உள்ள யூரிக் அமிலம் மற்றும் கிரியேட்டினின் அளவைக் குறைக்கும். கொத்தமல்லி இலைகளை சாறு அல்லது கஷாயமாக உட்கொள்ளலாம். இதனால் வலியிலிருந்து நிவாரணம் பெறலாம்.

மூட்டு வலியைக் குறை நீக்கும் வெற்றிலை

வெற்றிலையைப் பயன்படுத்துவது மூட்டு வலியைக் குறைப்பதில் அதிக அளவில் பயனுள்ளதாக இருக்கும். வெற்றிலைகளை வெறும் வயிற்றில் தொடர்ந்து மென்று சாப்பிடுவது இரத்தத்தில் யூரிக் அமிலத்தின் அளவைக் குறைக்கிறது. இது மூட்டு வலியைக் குறைக்கும். நீங்கள் மூட்டு வலியுடன் போராடினால், வெறும் வயிற்றில் தொடர்ந்து சாப்பிடுங்கள்.

மூட்டு வலிக்கு தீர்வைத் தரும் ஒத்தடம்

மேலே குறிப்பிட்டுள்ள இலைகளை தவிர, உடலின் எந்த விதமான மூட்டு வலியிலிருந்தும் உடனடி நிவாரணம் பெற எளிதான வகையில், உடனடி திரிவை அளிக்கும் முதல் வீட்டு வைத்தியம் ஒத்தடம் கொடுப்பது ஆகும். உங்களுக்கு ஏதேனும் மூட்டில் வலி இருந்தால், முதலில் ஐஸ் ஒத்தடம் கொடுக்கலாம். ஐஸ் ஒத்தடம் கொடுக்க, நீங்கள் ஒரு துண்டில் ஐஸ் கட்டியை வைத்து கட்டி கொடுக்கலாம். குறைந்தது 10 நிமிடங்களுக்கு ஒத்தடம் கொடுக்க வேண்டும். பின்னர் 15 நிமிட இடைவெளியைக் கொடுத்து, சூடான துண்டினால் ஒத்தடம் கொடுங்கள். ஒரு பாட்டிலில் சூடான நீரை ஊற்றி கொடுக்கலாம். இப்போது சந்தையில் சூடான மற்றும் குளிர் ஒத்தடம் கொடுக்க உதவும் வகையில் பல வகையான சாதனங்களும் கிடைக்கின்றன என்பது குறிப்பிடத்தக்கது.

மூட்டு வலியைக் குறைக்க மேலே குறிப்பிட்டுள்ள இந்த பயனுள்ள இலைகளைப் பயன்படுத்தலாம். இருப்பினும், உங்கள் உடல் நிலை மோசமாக இருந்தால், நிச்சயமாக உங்கள் சுகாதார நிபுணரை அணுகவும்.