பைக் மீது பேருந்து மோதி கோர விபத்து.. பைக்கை ஓட்டி வந்த இளம் பெண் சம்பவ இடத்திலேயே பலி..!
இவர் தனது இருசக்கர வாகனத்தில் தென்காசிக்கு சென்றுள்ளார். இதையடுத்து, அதே வாகனத்தில் மீண்டும் சென்னை திரும்பினார். சென்னை நோக்கி வந்து கொண்டிருந்த போது, மதுரை யானைமலை ஒத்தக்கடை அருகே நான்கு வழிச்சாலையில் சென்று கொண்டிருந்தார்.
அப்போது, சாலையில் திரும்பிக் கொண்டிருந்த போது, மேலூரில் இருந்து மதுரை நோக்கிச் சென்ற தனியார் பேருந்து, இருசக்கர வாகனம் மீது எதிர்பாராதவிதமாக மோதியது. மங்கையர்க்கரசி வாகனத்தில் வேகமாகச் சென்றபோது, பேருந்தும் சற்று வேகமாகத் திரும்பியது. விபத்தின் போது, பிரேக் போடும் போது, பைக் மீது மோதி பஸ் நின்றது.
இதனிடையே விபத்தில் பலத்த காயமடைந்த மங்கையர்க்கரசி சம்பவ இடத்திலேயே உயிரிழந்தார்.விபத்து குறித்து ஒத்தக்கடை போலீசார் விசாரணை நடத்தி வருகின்றனர். இந்நிலையில் பேருந்தும் இருசக்கர வாகனமும் மோதியது தொடர்பான சிசிடிவி காட்சிகள் வெளியாகி அதிர்ச்சியை ஏற்படுத்தியுள்ளது.
