சலாரின் ஓடிடி உரிமையை பெற்ற பிரபல நிறுவனம்… எப்போது தெரியுமா?

பாகுபலி திரைப்படம் மூலமாக இந்தியா முழுவதும் பிரபலமான தெலுங்கு நடிகர் பிரபாஸ் நடிப்பில் கே.ஜி.எஃப் திரைப்படத்தின் இயக்குனர் பிரசாந்த் நீல் இயக்கியுள்ள சலார் திரைப்படம் நேற்று வெளியாகியுள்ளது.

இதில் பிரபாஸுக்கு ஜோடியாக ஸ்ருதிஹாசன் நடித்துள்ளார். மேலும் வில்லனாக பிருத்விராஜ், ஜெகபதி பாபு உட்பட பலர் நடித்துள்ளனர். சுமார் ரூ.400 கோடி பட்ஜெட்டில் உருவாகும் இந்தப் படம் தமிழ், தெலுங்கு, இந்தி, கன்னடம், மலையாள மொழிகளில் வெளியாக உள்ளதாக முன்னதாக அறிவிக்கப்பட்டிருந்தது.

இந்தபடம் முழுக்க முழுக்க அதிரடி சண்டை, காட்சிகள் மற்றும் செண்டிமென்ட் நிறைந்த கதைக்களமாக அமைந்துள்ளதாக ரசிகர்கள் தெரிவிக்கின்றனர். குறிப்பாக பிரபாஸ், பிரித்விராஜ் நடிப்பு, அன்பறிவு மாஸ்டரின் சண்டை காட்சிகள், படத்தின் பின்னணி இசை படத்தொகுப்பு கனகச்சிதமாக உள்ளதாக ரசிகர்கள் தெரிவித்துள்ளனர்.

சலார் படத்துக்கு மிகப் பெரிய ஓபனிங் கிடைத்ததோடு, முதல் நாளிலேயே 175 கோடி ரூபாய் வரை வசூல் செய்தது. ஆனாலும், இந்தப் படம் எதிர்பார்த்தளவில் இல்லை எனவும், மேக்கிங் மட்டுமே பிரம்மாண்டமாக இருப்பதாகவும் ரசிகர்கள் கூறியிருந்தனர். கலவையான விமர்சனங்களை பெற்று வரும் இந்தப் படம் நெட்ஃபிளிக்ஸ் தளத்தில் வெளியாகவுள்ளதாக தகவல்கள் வெளியாகவுள்ளது. மேலும் படம் வரும் ஜனவரி மாதம் இறுதியில் வெளியாகலாம் என்றும் தகவல்கள் தெரிவிக்கின்றனர்.