புதிதாக குடி வந்த வீட்டில் பெண்ணுக்கு காத்திருந்த அதிர்ச்சி!

பொதுவாக வீடு விற்பவர்கள் வீட்டில் இருக்கும் பொருட்களை எல்லாம் காலி செய்துவிட்டு வீட்டை புதுப்பித்து தருவது வழக்கம். ஆனால் பெண் ஒருவர் தான் புதிதாக குடி வந்த வீட்டில் மர்ம சூட்கேஸ் இருப்பதாக வெளியிட்டுள்ள வீடியோ அதிர்ச்சியை ஏற்படுத்தியுள்ளது.

வெளிநாட்டு பெண் ஒருவர் வெளியிட்டுள்ள வீடியோ குறித்து Mirror செய்தி வெளியிட்டுள்ளது. அதில்ஷ, இந்த வீடு சுமார் 60 ஆண்டுகள் பழமையானது. சமீபத்தில் தான் இந்த வீட்டை வாங்கி புதுப்பித்தோம். அப்போது வீட்டில் ஒரு ரகசிய கதவு இருப்பதை கண்டு அதிர்ச்சி அடைந்தோம். அதை திறந்து பார்த்த போது உள்ளே ஒரு சிறிய சூட்கேஸ் இருந்தது. ஆரம்பத்தில் அது மிகவும் மதிப்புமிக்க பொக்கிஷ்மாக இருக்கலாம் அதனால் தான் வீட்டின் உரிமையாளர் அதை மறைத்து வைத்திருக்கிறார் என நாங்கள் நினைத்தோம்.

ஆனால் அது என்னவென்று ஆராய தொடங்கினோம். அப்போது அந்த சூட்கேஸ் ரிமோவா பிராண்டை சேர்ந்தது என்பது தெரியவந்தது. அது குறித்து கூகுள் செய்து பார்த்த போது அதன் உரிமையாளர் லூயில் உய்ட்டான் என்பது தெரியவந்தது. அது குறித்து நாங்கள் மிகவும் மகிழ்ச்சியடைந்தோம்.

ஆனால் எங்கள் சந்தோஷம் நீண்ட நேரம் நீடிக்கவில்லை. காரணம் அந்த சூட்கேஸ்-க்குள் இருந்தது எங்களை அதிர்ச்சியில் ஆழ்த்தியது. அதில் அழுகிய சடலமோ, எலும்பு கூடுகளோ, புழுக்களோ எதுவுமில்லை. அதில் ஒரு பொம்மை கட்டப்பட்டு இருந்தது. ஆரம்பத்தில் அந்த பொம்மை பாதுகாக்கப்பட கூடிய பொருள் என்றுதான் நினைத்தோம். ஆனால் அந்த பொம்மை ஏன் சூட்கேஸில் அடைத்து வைக்கப்பட்டிருந்தது என்ற கேள்வி என்னை மீண்டும் மீண்டும் தொந்தரவு செய்துக்கொண்டிருக்கிறது.

இந்த வீடியோவை இணையத்தில் பதிவிட்ட அந்த பெண் இதற்கு நீங்களே ஒரு தீர்வு சொல்லுங்கள் என்று அவர் அந்த வீடியோவில் குறிப்பிட்டுள்ளார். அதற்கு பலரும் தங்கள் கருத்துகளை கமெண்ட் செய்து வருகின்றனர்.