பிரித்தானிய அரச குடும்பத்தில் ஏற்பட்ட திடீர் நெருக்கடி: கவனம் பெறும் நோஸ்ட்ராடாமஸின் கணிப்பு

வேல்ஸ் இளவரசி கேட் மிடில்டன் மற்றும் சார்லஸ் மன்னர் ஆகியோர் புற்றுநோய் பாதிப்பு குறித்து அறிவித்துள்ளதுடன், சிகிச்சை நாடி வரும் நிலையில், 15ம் நூற்றாண்டின் நோஸ்ட்ராடாமஸின் கணிப்புகள் கவனத்தை ஈர்த்து வருகிறது.

பிரித்தானிய அரச குடும்பத்தில்
பிரித்தானிய ராணியார் இரண்டாம் எலிசபெத்தின் மரணம், ஜப்பான் மீதான அணுகுண்டு வீச்சு உட்பட பல்வேறு சம்பவங்களை நுணுக்கமாக கணித்துள்ள நோஸ்ட்ராடாமஸ், பிரித்தானிய அரச குடும்பத்தில் 2024ல் நெருக்கடி ஏற்படும் என்பதையும் கணித்துள்ளதாக தற்போது தகவல் வெளியாகியுள்ளது.

மேலும், பிரித்தானியாவில் மன்னர் ஒருவர் பதவி துறப்பார் என்றும், மன்னராக பொறுப்பேற்க வேண்டியவர் இக்கட்டான நிலையில் விலகுவதால், மன்னருக்கான வாய்ப்பே இல்லாத ஒருவர் எவரும் எதிர்பாராமல் மன்னராவார் என்றும் நோஸ்ட்ராடாமஸ் கணித்துள்ளார்.

தற்போதைய சூழலில் இது சார்லஸ் மன்னர் மற்றும் இளவரசர் ஹரிக்கு பொருந்துவதாக நிபுணர்கள் தரப்பு குறிப்பிடுகின்றனர். சார்லஸ் மன்னரும் புற்றுநோயால் பாதிக்கப்பட்டு, சிகிச்சையில் உள்ளார்.

இந்த நிலையில், தாமாக முன்வந்து அல்லது அவரது உடல்நிலை தொடர்பான அழுத்தம் காரணமாக மன்னர் சார்லஸ் பதவி விலகலாம் என்றே நிபுணர்கள் தரப்பு கூறுகின்றனர்.

வேல்ஸ் இளவரசர் வில்லியம்
ஆனால், அரச குடும்பத்து கடமைகளில் கொஞ்சமும் ஆர்வமில்லாத இளவரசர் ஹரி எவ்வாறு மன்னராக பொறுப்புக்கு வருவார் என்ற கேள்வி எழுந்துள்ளது. இதனிடையே, தற்கால நோஸ்ட்ராடாமஸ் என அறியப்படும் Athos Salome வேல்ஸ் இளவரசி கேட் மிடில்டனின் உடல்நலம் தொடர்பில் வெளியிட்டிருந்த கணிப்புகளும் கவனம் பெறத் தொடங்கியுள்ளது.

எதிர்வரும் ஆண்டில் எலும்பு, முழங்கால், கால் மற்றும் மூட்டு பிரச்சினைகளால் இளவரசி கேட் மிகவும் அவதிப்படுவார் என்றும் சவால்களை எதிர்கொள்ளும் நிலை ஏற்படும் என்றும் கணித்துள்ளார்.

இந்த நிலையிலேயே, வேல்ஸ் இளவரசர் வில்லியம் தமது சகோதரர் ஹரியை நாடு திரும்பும் முடிவெடுக்க பணித்ததாக தகவல் வெளியாகியுள்ளது.