வெஸ்ட் இண்டீஸை ஒயிட் வாஷ் செய்த ஆஸ்திரேலியா – 3ஆவது போட்டியில் 6.5 ஓவர்களில் 87 ரன்கள் எடுத்து வெற்றி!

ஆஸ்திரேலியா சென்ற வெஸ்ட் இண்டீஸ் அணியானது 2 டெஸ்ட், 3 ஒருநாள் போட்டிகள் மற்றும் 3 டி20 போட்டிகள் கொண்ட தொடரில் விளையாடி வருகிறது. இதில், டெஸ்ட் தொடரை இரு அணிகளும் 1-1 என்று சமன் செய்த நிலையில், 3 போட்டிகள் கொண்ட ஒருநாள் தொடர் நடந்தது. இதில், முதல் 2 போட்டிகளில் ஆஸ்திரேலியா வெற்றி பெற்று 3 போட்டிகள் கொண்ட தொடரை 2-0 என்று கைப்பற்றியது.

இந்த நிலையில் தான் இரு அணிகளுக்கு இடையிலான 3ஆவது மற்றும் கடைசி ஒருநாள் போட்டி இன்று நடந்தது. இதில், டாஸ் வென்ற ஆஸ்திரேலியா முதலில் பவுலிங் செய்தது. அதன்படி வெஸ்ட் இண்டீஸ் முதலில் பேட்டி செய்து 24.1 ஓவர்களில் அனைத்து விக்கெட்டுகளையும் இழந்து வெறும் 86 ரன்கள் மட்டுமே எடுத்தது. இதில், அதிகபட்சமாக தொடக்க வீரர் அலைஸ் அதனாஸ் 32 ரன்கள் எடுத்தார். கேப்டன் ஷாய் ஹோப் 4 ரன்கள் எடுத்தார்.

மற்ற வீரர்கள் சொற்ப ரன்களில் வெளியேறவே வெஸ்ட் இண்டீஸ் 86 ரன்கள் எடுத்தது. இதையடுத்து எளிய இலக்கை துரத்திய ஆஸ்திரேலியா அணியில் ஜோஷ் இங்கிலிஸ் மற்றும் ஜாக் ஃப்ரெசர் மெக்குர்க் ஜோடி முதல் விக்கெட்டிற்கு 67 ரன்கள் எடுத்தது. இதில், மெக்குர்க் 41 ரன்களில் ஆட்டமிழக்க, இங்கிலிஸ் 35 ரன்கள் எடுத்து ஆட்டமிழக்காமல் இருந்தார். இறுதியாக ஆஸ்திரேலியா 6.5 ஓவர்களில் 2 விக்கெட்டுகளை இழந்து 87 ரன்கள் எடுத்துக் கொடுத்து 8 விக்கெட்டுகள் வித்தியாசத்தில் வெற்றி பெற்றது. இந்த வெற்றியின் மூலமாக 3 ஒருநாள் போட்டியிலும் ஆஸ்திரேலியா வெற்றி பெற்று வெஸ்ட் இண்டீஸ் அணியை ஒயிட் வாஷ் செய்துள்ளது.

Similar Posts

Leave a Reply

Your email address will not be published. Required fields are marked *