பேட்டிங்கும் வரல..பவுலிங்கும் வரல.. ஏமாற்றிய சச்சின் மகன்.. ரஞ்சி போட்டியில் சொதப்பல்

இந்தப் போட்டியில் திரிபுரா முதலில் 484 ரன்கள் எடுத்தது. இதில் ஸ்ரீதாம் பால் 112 ரன்களும், கேப்டன் விரித்மான் சாகா 97 ரன்களும் எடுத்தனர். கோவா அணியின் பந்துவீச்சு தரப்பில் மோகித் என்ற வீரர் நான்கு விக்கெட்டுகளை வீழ்த்திய நிலையில் அர்ஜுன் டெண்டுல்கர் 26 ஓவர்கள் வீசி 94 ரன்கள் விட்டுக் கொடுத்தார். இரண்டு விக்கெட்டுகளை கைப்பற்றினார்.இதனை அடுத்து கோவா அணி தங்களுடைய முதல் இன்னிங்ஸ் களம் இறங்கியது.

முன்னணி வீரர்கள் அனைவரும் சொற்ப ரன்களில் ஆட்டம் இழந்தனர். அர்ஜுன் டெண்டுல்கர் அணியை காப்பாற்றுவார் என எதிர்பார்க்கப்பட்ட நிலையில் அவர் 21 பந்துகளில் 11 ரன்கள் மட்டுமே எடுத்து திரும்பினார்.இதனால் கோவா 135 ரன்கள் மட்டுமே எடுத்தது.இரண்டாவது இன்னிங்சில் களமிறங்கிய திரிபுரா விளையாடி 5 விக்கெட் இழப்பிற்கு 151 ரன்கள் எடுத்து.