அழகான தலைமுடி.. பொலிவான சருமம்.. வலுவான நகங்கள் பெற கண்டிப்பாக சேர்க்க வேண்டிய உணவுகள்..!

கூந்தல் சருமம் மற்றும் வலுவான நகத்துக்கு புரத உணவுகள்

முடி ஆரோக்கியத்துக்கு கெரட்டின் சிகிச்சை குறித்து கேள்விப்பட்டிருப்பீர்கள். புரதம் நிறைந்த இந்த உணவுகள் எடுத்துகொள்வது தலைமுடியை உள்ளே இருந்தும் வெளியே இருந்தும் பொலிவாக்க செய்யும். நமது தோல் , கூந்தல் மற்றும் நகங்களில் உள்ள கட்டமைப்பு புரதங்களின் ஒன்றான கெரட்டின் உற்பத்திக்கு தேவையான அமினோ அமிலங்களை புரதம் தான் உடலுக்கு வழங்குகிறது. புரதத்தில் இருக்கும் எல்லைச்சின் மற்றும் எல் புரோலின் உடலின் கொலாஜன் உற்பத்தியை ஆதரிக்கின்றன.
புரதம் கெரட்டின், கொலாஜன் மற்றும் எலாஸ்டின் சுருக்கங்களை தடுக்கின்றன.

புரதம் நிறைந்த உணவுகள் – கோழி, மீன், முட்டை, பால் போன்றவை புரதத்தின் விலங்கு ஆதாரங்கள். இது முழு புரதங்கள் ஆகும். இவற்றில் அத்தியாவசிய அமினோ அமிலங்கள் கொண்டுள்ளன.

தாவர புரதங்கள் முழுமையற்ற புரதங்கள் என்று சொல்லப்படுகிறது. இவை முழுமையான அமினோ அமிலங்களை கொண்டிருக்கவில்ல. எனினும் சைவ உணவு உண்பவர்கள் இது குறித்து கவலைப்பட வேண்டியதில்லை. தாவர புரதத்தின் பல்வேறு உணவுகளை இணைப்பது உடலுக்கு தேவையான அழகை அதிகரிக்கும் ஊட்டச்சத்துக்களை இன்னும் அளிக்கும்.

எவ்வளவு தேவை

ஒவ்வொரு உணவிலும் சுமார் 25-30 கிராம் புரதம் இருக்க வேண்டும்.

புரதம் நிறைந்த உணவுகள்

பாதாம், பருப்புகள், பூசணி விதைகள், வேர்க்கடலை, யோகர்ட், பால், புரத பவுடர், லிமா பீன்ஸ், காலிஃப்ளவர், ஓட்ஸ், கொய்யா, அவகேடோ, பிஸ்தா, சியா விதைகள், அஸ்பாரகஸ், முளைகட்டிய தானியங்கள், பட்டாணி வகைகள்.

கூந்தல் சருமம் வலுவான நகங்களுக்கு இரும்புச்சத்து உணவுகள்

இரும்புச்சத்து குறைவாக இருந்தால் முடி, நகங்கள் மற்றும் தோல் மூன்றும் பாதிக்கப்படலாம். தோல் வெளிர்நிறமாக இருக்கும். அரிப்பு இருக்கும். நகங்கள் உடையகூடும். முடி உலர்ந்து உடையக்கூடியதாக மந்தமானதாக இருக்கும். சருமத்தை மென்மையாக்க கொலாஜன் தேவை. உடலின் ஒவ்வொரு திசுக்களிலும் காணப்படும் இந்த முக்கிய புரதத்துக்கு இரும்பு அவசியம் ஆகும். கொலாஜன் நிறைவாக இருக்க இரும்பு போன்ற ஊட்டச்சத்து தவிர்க்க வேண்டும்.

இரும்புச்சத்து குறையும் போது உடலின் ஆற்றல் குறைகிறது. இதனனல் முடியின் வளர்ச்சியும் பாதிக்கப்படுகிறது. வழுக்கை மற்றும் அலோபீசியா என்னும் நிலைக்கு இந்த இரும்புச்சத்து குறைபாடு தொடர்பு இணைக்கப்பட்டுள்ளது. இரும்புச்சத்து குறைபாடு இருந்தால் அது நகங்களின் அமைப்பை பாதிக்கிறது, கடுமையான நிலையில் நகங்கள் ஸ்கூப் போன்ற வடிவத்தை பெறுகிறது.

இரும்புச்சத்து உணவுகள்

அடர்ந்த பச்சை இலை காய்கறிகள், டார்க் சாக்லேட், பருப்புகள், கொட்டைகள், விதைகள், உலர் பழங்கள், பருப்புகள், டோஃபு, கருப்பு திராட்சை, சர்க்கரை வள்ளிக்கிழங்கு, விலங்கு உறுப்புகள், அத்திப்பழம், ப்ரக்கோலி,

சருமம் கூந்தல் மற்றும் நகங்களுக்கு உதவும் வைட்டமின் சி

வைட்டமின் சி ஃப்ரீ ரேடிக்கல்களை நடுநிலையாக்குகிறது. ஆக்ஸிஅஜ்னேற்ற அழுத்தத்திலிருந்து பாதுகாப்பதன் மூலம் இளமையை தக்க வைக்க செய்கிறது. கொலாஜனின் தொகுப்புக்கு தேவைப்படுகிறது. புரதம் உடன் இணைந்து கொலாஜன் உற்பத்தியை தூண்டுகிறது. இதனால் சருமத்தில் கோடுகள் சுருக்கங்கள் குறையும். கரும்புள்ளிகள் மற்றும் ஹைப்பர் பிக்மெண்டேஷன் உண்டு செய்யும் நிறமியான மெலனினை தடுக்கிறது. சருமத்தை பிரகாசமாக வைக்கிறது. வைட்டமின் சி கொலாஜன் உற்பத்தியை ஊக்குவிப்பதால் முடி வளர்ச்சியை ஊக்குவிக்கிறது. ஒட்டுமொத்த முடியின் நிலை மற்றும் தோற்றத்தை மேம்படுத்துகிறது. இது உச்சந்தலை ஆரோக்கியத்தை மேம்படுத்துவதால் முடி வளர்ச்சியை மேம்படுத்துகிறது. சூரிய ஒளி சேதத்திலிருந்து முடியை பாதுகாக்கிறது.

சருமம் கூந்தல் மற்றும் நகங்களுக்கு பீட்டா கரோட்டின் மற்றும் வைட்டமின் ஏ

இது தோலுக்கு ஏற்ற உணவு. பீட்டா கரோட்டின் உடலில் வைட்டமின் ஏ ஆக மாற்றுகிறது. சருமத்தை சூரிய ஒளியில் இருந்து பாதுகாக்க செய்கிறது. முகப்பரு சிகிச்சை அளிக்க இந்த வைட்டமின் ஏ பயன்படுத்துவதுண்டு. சருமம் போன்றே கூந்தலுக்கும் சூப்பர் ஃபுட் என்று சொல்லப்படுகிறது.

பீட்டா கரோட்டின் உணவுகள்

கேரட், பூசணி, கீரை, முட்டையின் மஞ்சள் கரு, தக்காளி, மாம்பழம் , தர்பூசணி , லெட்யூஸ், ப்ரக்கோலி, சர்க்கரை வள்ளிக்கிழங்கு, சிவப்பு குடை மிளகாய் போன்ற உணவுகள் சேர்த்துவரலாம்.

சருமம் கூந்தல் மற்றும் நகங்களை காக்கும் ஃப்ளவனாய்டுகள் மற்றும் திரவங்கள்

திரவங்கள் மற்றும் ஃப்ளவனாய்டுகள் இரண்டுமே புற ஊதாகதிர்வீச்சிலிருந்து சருமத்தை பாதுகாக்க செய்கின்றன, சருமத்தை நீரேற்றம் செய்கிறது. கூந்தலை ஈர்ப்பதமாக வைத்திருக்க செய்கிறது. நகங்களை உலர்விலிருந்து பாதுகாக்கிறது.
ஆரோக்கியமான சருமம், கூந்தல் வலுவான நகங்களுக்கு அதிக தண்ணீர் குடிக்க வேண்டும். இந்த திரவங்கள் ஃப்ளவனாய்டுகள் இரத்த ஓட்டம் மற்றும் ஊட்டச்சத்துக்களை அளிக்கின்றன. தினசரி ஃப்ளவனாய்டு உணவுகள், திரவங்கள் தண்ணீர், பழத்துண்டுகள் சேர்க்கப்பட்ட சுவையான நீர், சீரக நீர், மோர், இளநீர், எலுமிச்சை சாறு போன்றவற்றை சேர்ப்பது கூந்தல், சருமம், நகங்களை பொலிவாக வைத்திருக்க செய்யும்.