நூற்றாண்டின் சிறந்த ஸ்பின் பால்… கற்பனைக்கு எட்டாத ஸ்விங் – வைரல் வீடியோ
வரலாற்று சாதனைகளுக்கும், சறுக்கல்களுக்கு பெயர் போன விளையாட்டு என்றால் கிரிக்கெட் என்றே சொல்லலாம். சர்வதேச கிரிக்கெட் போட்டிகளில் வேடிக்கையான மற்றும் விநோதனமான சம்பவங்கள் அரங்கேறுவது வாடிக்கையான ஒன்று. ஆனால் உள்ளூர் போட்டிகள் இப்படி எல்லாம் கூட நடக்குமா என்று யாரும் எதிர்பார்க்காத பல விசித்திர சம்பவங்கள் நடைபெறுவது வாடிக்கையான ஒன்றாக இருக்கும். அதுப்போன்ற வீடியோ ஒன்று தற்போது இணையத்தில் வெளியாகி வைரலாகி உள்ளது.
உள்ளூர் கிரிக்கெட் போட்டியான கேசிசி டி20 கோப்பையில் இந்த சம்பவம் அரங்கேறி உள்ளது. இந்த நூற்றாண்டின் சிறந்த ஸ்பின் பால் என்று இதனை நெட்டிசன்கள் கமெண்ட் செய்து வருகின்றனர். சுழற்பந்து ஜாம்பவான்களான முத்தையா முரளிதரன், ஷேன் வார்னே, ஹர்பஜன் சிங் ஆகியோரின் பந்துவீச்சை எல்லாம் இவரது சுழற்பந்து தூக்கி விழுங்கி விட்டதே என்றே சொல்லலாம்.
— Out Of Context Cricket (@GemsOfCricket) February 12, 2024
கேசிசி டி20 தொடரில் கவுகாத்தி மற்றும் எஸ்பிஎஸ் சிசி அணிகளுக்கு இடையேயான போட்டி நடைபெற்றது. இதில் கவுகாத்தி அணியை சேர்ந்த முகமது வக்கார் வீசிய பந்தை பெனட் சிங் எதிர்கொண்டார். 3 ஸ்டெம்களை தாண்டி தூக்கி வீசப்பட்ட பந்து ஆஃப் திசையில் இருந்து சுழன்று சென்று ஸ்டெம்பில் பட்டது. இதை பெனட் சிங் சற்றும் எதிர்கபார்க்கவில்லை.
தூக்கி வீசப்பட்டை பவுண்டரி துரத்த ஸ்டெம்புகளை விட்டு விலகி வந்த பெனட் சிங்கிற்கு பந்தின் சுழல் அதிர்ச்சியை கொடுத்தது. இந்த வீடியோ இணையத்தில் பலரது கவனத்தை பெற்றது மட்டுமில்லாமல் கலவையான விமர்சனங்களை குவித்து வருகிறது.
