Car Price Hike: கார்களின் விலையை உயர்த்தும் 14 நிறுவனங்கள்… ஜனவரி 1ம் தேதி முதல் விலை உயர்வுக்கு அமலுக்கு வரும் என அறிவிப்பு…

மாருதி சுஸுகி, மஹிந்திரா & மஹிந்திரா, ஆடி இந்தியா, ஹூண்டாய் மற்றும் எம்ஜி மோட்டார்ஸ் போன்ற முன்னணி வாகன உற்பத்தி நிறுவனங்கள் தங்களின் கார்களின் விலையை உயர்த்த உள்ளது. இந்த விலை உயர்வு ஜனவரி 1ம் தேதி முதல் அமலுக்கு வரும் என தெரிவிக்கப்பட்டுள்ளது. உள்ளிட்டு பொருட்களின் விலை தொடர்ந்து அதிகரித்து வருவதால் கார்களின் விலை உயர்த்தப்படுவதாக தெரிவித்துள்ளது.

மாருதி சுஸுகி:

மாருதி சுஸுகி இந்தியா நிறுவனம் இந்த ஆண்டு ஏப்ரல் மாதம் கடைசியாக 0.8% வாகனங்களின் விலையை உயர்த்தியது. கடந்த நிதியாண்டில் மொத்தமாக 2.4% விலையை உயர்த்தி உள்ளன.

இது குறித்து பேசிய மாருதி சுஸுகியின் மூத்த நிர்வாக இயக்குனர் ஷஷாங்க் ஸ்ரீவஸ்தவா, கடந்த 3-4 மாதங்களில் எஃகு விலை தொடர்ந்து உயர்ந்து வருவதால் கார்களின் விலை அதிகரித்துள்ளதாக தெரிவித்துள்ளது. பொருட்களின் விலைகளின் ஏற்ற இறக்கத்தின் தாக்கத்தை எங்கள் செலவுகளில் மதிப்பீடு செய்து வருகிறோம்.

டாடா மோட்டார்ஸ்:

டாடா மோட்டார்ஸ் நிறுவனத்தின் 2024ம் ஆண்டு ஜனவரி முதல் பயணிகள் வாகனங்கள் மற்றும் எலெக்ட்ரிக் வாகனங்களின் விலை உயர்வையும் பரிசீலித்து வருகிறது. வரும் ஆண்டில் விலை உயர்வு எதிர்பார்க்கப்படும் என்று தெரிவிக்கப்பட்டுள்ளது.

ஆடி இந்தியா:

ஜெர்மனியைச் சேர்ந்த சொகுசு கார் தயாரிப்பு நிறுவனமான ஆடி, இந்தியாவில் தனது வாகனங்களின் விலையை அடுத்த ஆண்டு ஜனவரி முதல் 2% வரை உயர்த்தப் போவதாக தெரிவித்துள்ளது. அதிகரித்து வரும் உள்ளீடு மற்றும் செயல்பாட்டுச் செலவுகளைக் காரணம் காட்டி, இந்த விலை உயர்வு ஜனவரி 1ம் தேதி முதல் அமலுக்கு வரும் என்று தெரிவித்துள்ளது. இந்த விலை உயர்வு ஒவ்வொரு மாடலுக்கும் வித்தியாசப்படும் என தெரிவித்துள்ளது.

மஹிந்திரா & மஹிந்திரா:

மஹிந்திரா & மஹிந்திரா நிறுவனம் வரும் ஆண்டில் நான்கு சக்கர வாகனங்களின் விலையை உயர்த்த திட்டமிட்டுள்ளது. இருப்பினும், விலை உயர்வு பற்றிய சரியான விவரங்கள் இன்னும் தெரியவில்லை. பணவீக்கத்தின் காரணமாக விலைவாசி உயர்வு ஏற்பட்டுள்ளதாக தெரிவித்துள்ளது.