அதிகரித்து வரும் கொரோனா: கடந்த 24 மணி நேரத்தில் 4 பேர் பலி!
நாட்டில் கடந்த 24 மணி நேரத்தில் புதிதாக 65 பேருக்கு கொரோனா தொற்று உறுதி செய்யப்பட்டதாக மத்திய சுகாதார அமைச்சகம் தெரிவித்துள்ளது.
கொரோனா காரணமாக கடந்த 24 மணி நேரத்தில் கேரள மாநிலத்தில் 2 பேர், கர்நாடக மாநிலத்தில் 2 பேர் என 4 பேர் உயிரிழந்துள்ளனர்.
நாட்டில் கடந்த மாத தொடக்கத்தில் இருந்து குளிர்காலம் என்பதால் புதிய வகை கொரோனாவான ஜே என் 1 வைரஸ் வேகமாக பரவி வருகிறது.
சிகிச்சைபெறுவோரின் எண்ணிக்கை 3919 ஆக உயர்ந்துள்ளது. இந்நிலையில் நாடு முழுவதும் 220.67 கோடி கொரோனா தடுப்பூசிகள் செலுத்தப்பட்டுள்ளதாகவும் சுகாதார அமைச்சக தரவுகளில் தெரிவிக்கப்பட்டுள்ளது.
