செவ்வாய் சுக்கிரன் சேர்க்கையால் உருவாகும் தனசக்தி யோகம்: பிப்ரவரியில் இந்த 3 ராசிக்கு பண மழை பொழியப்போகுது!

ஜோதிட சாஸ்திரத்தின் படி, ஒவ்வொரு கிரகமும் ஒரு குறிப்பிட்ட கால இடைவெளியில் ஒரு ராசியில் இருந்து மற்றொரு ராசிக்கு மாறும். அப்படி கிரகங்கள் ராசியை மாற்றும் போது, சில சமயங்களில் கிரகங்களின் சேர்க்கையால் சுப அல்லது அசுப யோகங்கள் உருவாகும்.

அப்படி உருவாகும் யோகங்களின் தாக்கம் அனைத்து ராசிகளிலுமே காணப்படும். அந்த வகையில் நவகிரகங்களின் தளபதியாக கருதப்படும் செவ்வாயும், அசுரர்களின் குருவாக கருதப்படும் சுக்கிரனும் இணைவதால் உருவாகும் யோகம் தான் தனசக்தி யோகம்.

இந்த தனசக்தி யோகம் ஒரு மங்களகரமான யோகம். இந்த யோகமானது பிப்ரவரி மாதத்தில் உருவாகவுள்ளது. அதுவும் சனி பகவானின் ராசியான மகர ராசியில் இந்த சுப யோகம் உருவாகவுள்ளது. இந்த யோகத்தின் தாக்கம் அனைத்து ராசிகளிலுமே காணப்பட்டாலும், சில ராசிக்காரர்கள் இந்த யோகத்தால் அதிர்ஷ்டம் பெறவுள்ளார்கள்.

ஜோதிடத்தின் படி, பிப்ரவரி 12 ஆம் தேதி சுக்கிரன் மகர ராசியில் நுழையவுள்ளார். இதனால் இந்த யோகமானது பிப்ரவரி 12 முதல் மார்ச் 7 வரை நீடித்திருக்கும். இப்போது தனசக்தி யோகத்தால் அதிர்ஷ்டம் பெறும் ராசிக்காரர்கள் யார்யார் என்பதைக் காண்போம்.

மேஷம்

மேஷ ராசியின் 10 ஆவது வீட்டில் தனசக்தி யோகம் உருவாகவுள்ளது. இதனால் இந்த ராசிக்காரர்கள் தங்கள் வேலையில் நல்ல கவனத்தை செலுத்தினால், அபரிமிதமான லாபத்துடன் நல்ல வெற்றியையும் பெறலாம். இந்த யோகத்தால் நிதி நிலையில் நல்ல முன்னேற்றம் ஏற்படும். சிலர் புதிய வருமான ஆதாரங்களைப் பெற வாய்ப்புள்ளது. உறவுகளில் இருந்த பிரச்சனைகள் நீங்கி, சிறப்பாக இருக்கும். ஆரோக்கியத்தைப் பொறுத்தவரை, நன்றாக இருக்கும்.

ரிஷபம்

ரிஷப ராசியின் 9 ஆவது வீட்டில் தனசக்தி யோகம் உருவாகவுள்ளது. இதனால் இந்த ராசிக்காரர்கள் எதிர்பாராத பல நன்மைகளைப் பெறுவார்கள். ஆன்மீகத்தில் நாட்டம் அதிகரிக்கும். தொழிலில் நல்ல முன்னேற்றமும், வெற்றியும் கிடைக்கும். பணிபுரிபவர்கள் தங்கள் இலக்கை எளிதில் அடைவார்கள். வணிகர்கள் நல்ல லாபத்தைத் தரும் புதிய ஒப்பந்தங்களைப் பெறுவார்கள்.

புதிதாக தொழில் தொடங்க நினைத்தால், அதில் நல்ல வெற்றி கிடைக்கும். வெளிநாட்டு பயணங்களை மேற்கொள்ள வாய்ப்புக்கள் கிடைக்கும். நிதி நிலை சிறப்பாக இருக்கும். வாழ்க்கைத் துணையுடன் இனிமையாக பொழுதைத் கழிக்கும் வாய்ப்பு கிடைக்கும். நீண்ட நாட்களாக வீட்டில் இருந்த சண்டைகள் முடிவுக்கு வரும். ஆனால் ஆரோக்கிய விஷயத்தில் கொஞ்சம் கவனமாக இருக்க வேண்டும்.

கன்னி

கன்னி ராசியின் 5 ஆவது வீட்டில் தனசக்தி யோகம் உருவாகவுள்ளது. இதனால் இந்த ராசிக்காரர்களின் வாழ்க்கை மகிழ்ச்சியாக இருக்கும். ஆன்மீகத்தில் ஆர்வம் அதிகரிக்கும். சுக்கிரனால் வாழ்க்கை செழிப்பாக இருக்கும். நிதி நிலை வலுபெறும். புதிய வருமான ஆதாரங்கள் இக்காலகட்டத்தில் உருவாகும். பணியிடத்தில் உங்களின் செயல்திறன் நல்ல பாராட்டைப் பெறும். குழந்தைகளால் சில நல்ல செய்திகளைப் பெறுவீர்கள். ஆரோக்கியத்தைப் பொறுத்தவரை, நன்றாக இருக்கும்.