விண்வெளிக்கு போவது தனுஷ் பட நடிகை லீனா-வின் கணவரா..!! டிரெண்டிங் இன்ஸ்டா பதிவு..!!

இந்திய விண்வெளி ஆராய்ச்சி அமைப்பான இஸ்ரோவின மனித விண்வெளிப் பயணத் திட்டமான ககன்யானுக்குத் தேர்ந்தெடுக்கப்பட்ட நான்கு விண்வெளி வீரர்களில் ஒருவரான கேப்டன் பிரசாந்த் பாலகிருஷ்ணன் நாயர்-ஐ நடிகை லீனா, திருமணம் செய்து கொண்டுள்ளதாக அறிவித்துள்ளார்.

நடிகை லீனா பிரபல மலையாள நடிகையாக இருந்தாலும், தமிழில் அனேகன், கடாரம் கொண்டான், திரௌபதி போன்ற பல படத்தில் நடித்துள்ளார். மலையாள திரைப்பட உலகில் மிகவும் பிரபலமான இவர் தமிழ் திரையுலகிலும் பரிட்சயமான முகம்.

இந்த நிலையில் லீனா தனது இன்ஸ்டாகிராம் பக்கத்தில் செவ்வாயன்று தனது திருமணம் குறித்த செய்தியை அறிவித்தார், பிரதமர் நரேந்திர மோடி ககன்யானுக்காகப் பயிற்சி பெறும் சோதனை விமானிகளில் பிரசாந்த் பாலகிருஷ்ணன் நாயர் பெயரிட்ட சில மணிநேரங்களுக்குப் பிறகு இன்ஸ்டாவில் பதிவிட்டார்.

இந்தப் பதிவில், 2024 ஆம் ஆண்டு ஜனவரி 17 ஆம் தேதி பிரசாந்த் பாலகிருஷ்ணன் நாயரை திருமணம் செய்து கொண்டதாக லீனா தனது பதிவில் தெரிவித்தார். “இன்று, 27 பிப்ரவரி 2024 அன்று, நமது பிரதமர் மோடி முதல் இந்திய விண்வெளி வீரர்களை இந்திய விமானப்படை போர் விமானி குரூப் கேப்டன் பிரசாந்த் பாலகிருஷ்ணன் நாயருக்கு வழங்கினார்.

இது நமது நாட்டிற்கும், நமது கேரள மாநிலத்திற்கும், தனிப்பட்ட முறையில் எனக்கும் பெருமை சேர்க்கும் வரலாற்றுத் தருணம்” என்று எழுதினார்.

அவருடைய பணியின் காரணமாக அதிகாரப்பூர்வமாகத் தேவைப்படும் ரகசியத் தன்மையைக் காக்க வேண்டும் என்பதற்காக இதுவரையில் எவ்விதமான அறிவிப்பையும் வெளியிடவில்லை. நான் 17 ஜனவரி, 2024 அன்று பிரசாந்துடன் ஒரு பாரம்பரிய முறையில் திருமணம் செய்துகொண்டேன் என்பதை உங்களுக்குத் தெரிவிக்க இந்த அறிவிப்புக்காகக் காத்திருந்தேன்” என்று நடிகை மேலும் கூறினார்.

குரூப் கேப்டன் பிரசாந்த் பாலகிருஷ்ணன் நாயர் ஆகஸ்ட் 26, 1976 அன்று கேரளாவின் திருவாழியாட்டில் பிறந்தார். NDA இன் முன்னாள் மாணவர் மற்றும் விமானப்படை அகாடமியில் மரியாதைக்குரிய விருது பெற்றவர், பிரசாந்த் பாலகிருஷ்ணன் டிசம்பர் 19, 1998 அன்று IAF இன் பைட்டர் ஸ்ட்ரீமில் நியமிக்கப்பட்டார்.

அவர் கேட் ஏ ஃப்ளையிங் பயிற்றுவிப்பாளராகவும், டெஸ்ட் பைலட்டாகவும் சுமார் 3000 மணிநேரம் பறந்த அனுபவம் கொண்டவர். அவர் Su-30 MKI, MiG-21, MiG-29, Hawk, Dornier, An-32 போன்ற பல்வேறு விமானங்களை இயக்கும் அனுபவம் கொண்டவர்.

அவர் யுனைடெட் ஸ்டேட்ஸ் ஸ்டாஃப் கல்லூரியின் முன்னாள் மாணவர் மற்றும் DSSC, வெலிங்டன் மற்றும் தாம்பரம் FIS ஆகியவற்றில் பட்டம் பெற்றவர்.

பிரசாந்த் பாலகிருஷ்ணன் நாயர் தவிர, குரூப் கேப்டன் அஜித் கிருஷ்ணன், குரூப் கேப்டன் அங்கத் பிரதாப் மற்றும் விங் கமாண்டர் சுபான்ஷு சுக்லா ஆகிய மூன்று விண்வெளி வீரர்களும் இஸ்ரோ-வின் விண்வெளி பயணத்திற்குத் தேர்வு செய்யப்பட்டுள்ளனர்.