ஜோதிகாவை போலவே இருக்கும் அவரது அக்காவை தெரியுமா? – அட இவங்களும் நடிகையா!

மும்பையில் பிறந்த நடிகை ஜோதிகா தமிழில் பல சூப்பர் ஹிட் படங்களில் நடித்து தனக்கென்று ஒரு இடத்தை பிடித்திருந்தார். அவரது நடிப்பில் வெளிவந்த முகவரி, குஷி உள்ளிட்ட பல படங்கள் ரசிகர்கள் மத்தியில் மிகப் பெரும் வரவேற்பை பெற்றுத் தந்தது.

தென்னிந்திய மொழிகளில் ஏராளமான முன்னணி நடிகர்களுடன் ஜோதிகா இணைந்து நடித்திருக்கிறார். மாயாவி படத்தில் சூர்யாவுடன் இணைந்து நடித்தபோது இருவருக்குமிடையே காதல் ஏற்பட்டது. இதன் பின்னர் இருவரும் 2006ஆம் ஆண்டு திருமணம் முடித்தனர்.

நடிகை ஜோதிகா 1998- இலிருந்து 2009ஆம் ஆண்டு வரை பல படங்களில் நடித்திருக்கிறார். ஜோதிகாவுக்கு நக்மா என்ற சகோதரி இருக்கிறார் என்பது பகலும் அறிந்த விஷயமாகும். நக்மாவும் தமிழில் ஏராளமான படங்களில் நடித்து பின்னாளில் காங்கிரஸ் கட்சியில் இணைந்து பணியாற்றி வருகிறார்.

ஆனால் உண்மையிலேயே அவர் ஜோதிகாவுக்கு ஒன்றுவிட்ட சகோதரி என்பது பெரும்பாலானோருக்கு தெரியாத ஒரு தகவல் ஆகும். ஜோதிகாவுடன் பிறந்தவர் ரோஷினி என்பவர் மட்டுமே. இவர் ஜோதிகாவுக்கு ஒரு வயது மூத்தவர். ஜோதிகாவுக்கு தற்போது 46 வயது ஆகிறது.

ரோஷ்னியும் தெலுங்கு, தமிழ், கன்னடம் உள்ளிட்ட மொழிகளில் 6 படங்களில் மட்டுமே நடித்திருக்கிறார். தமிழில் அவர் துள்ளித்திரிந்த காலம், சிஷ்யா ஆகிய படங்களில் நடித்துள்ளார்.

இவர்தான் பார்ப்பதற்கு ஜோதிகாவை போன்றே அச்சு அசலாக இருப்பார். இந்நிலையில் சமீபத்தில் வெளியான ரோஷ்னியின் புகைப்படம் ஒன்று சமூக வலைதளங்களில் கவனம் பெற்றுள்ளது. இவர் அச்சடித்தது போன்று ஜோதிகாவை போல இருக்கிறார் என்று நெட்டிசன்கள் வியப்புடன் கருத்து தெரிவித்து வருகின்றனர்.