Drumstick Leaves Sambar : உடலில் நோய் எதிர்ப்பை அதிகரிக்கும் முருங்கைக்கீரை சாம்பார்!

பூண்டு – 4 பல்

பெருங்காயத்தூள் – அரை ஸ்பூன்

மஞ்சள் தூள் – கால் ஸ்பூன்

சின்ன வெங்காயம் – 150 கிராம்

முருங்கைக்கீரை – 2 கைப்பிடி அளவு

சாம்பார் தூள் – இரண்டு ஸ்பூன்

காய்ந்த மிளகாய் – ஐந்து

தக்காளி – 4

புளி – நெல்லிக்காய் அளவு

தேங்காய் எண்ணெய் – இரண்டு ஸ்பூன்

நெய் – 2 ஸ்பூன்

தாளிப்பதற்கு

கடுகு – அரை ஸ்பூன்

சீரகம் – அரை ஸ்பூன்

வெந்தயம் – அரை ஸ்பூன்

உப்பு – தேவையான அளவு

செய்முறை

குக்கரில் கழுவிய பருப்பு, பூண்டு, மஞ்சள் தூள், பெருங்காயத்தூள் சேர்த்து நான்கு டம்ளர் தண்ணீர் ஊற்றி நான்கு விசில் விட்டு வேகவைத்து எடுத்துக்கொள்ள வேண்டும்.

சின்ன வெங்காயம் மற்றும் தக்காளியை பொடியாக நறுக்கி வைத்துக் கொள்ளவேண்டும்.

முருங்கைக்கீரையை கழுவி வைத்துக் கொள்ளவேண்டும்.

கடாயில் தேங்காய் எண்ணெய் ஊற்றி கடுகு, வெந்தயம், சீரகம் போட்டு தாளித்து சின்ன வெங்காயம், கிள்ளிய காய்ந்த மிளகாய் போட்டு வதக்கி அதனுடன் தக்காளியையும் சேர்த்து நன்றாக வதக்கி சாம்பார் தூள் போட்டு பச்சை வாசனை போக வதக்க வேண்டும்.

பின்னர் அதில் ஒரு டம்ளர் தண்ணீர் சேர்த்து நன்றாக கொதிக்க வைக்க வேண்டும்.

அதில் வேகவைத்த பருப்பு, கரைத்த புளித்தண்ணீர், தேவையான உப்பு சேர்த்து நன்கு கொதிக்க விடவேண்டும்.

நன்கு கொதித்தவுடன் இறக்கி வைக்கவேண்டும்.

பின் ஒரு கடாயில் நெய் ஊற்றி அதில் முருங்கைக் கீரையை போட்டு நன்றாக வதக்கி அதை சாம்பாருடன் சேர்த்து நன்றாக கலந்துவிட்டால் சூப்பரான மிகவும் சத்தான முருங்கைக்கீரை சாம்பார் ரெடி.

இதை சூடான சாதத்தில் ஒரு ஸ்பூன் நெய்விட்டு சாப்பிட சுவை அள்ளும்.

முருங்கைக்கீரையில் உடலுக்கு ஊட்டமளிக்கும் அனைத்து சத்துக்களும் அடங்கியுள்ளன. இரும்புச்சத்து நிறைந்த முருங்கைக்கீரை ரத்தசோகையைப்போக்கி, ரத்தத்தில் ஹீமோகுளேபின் அளவை அதிகரித்து, உடலுக்குத் தேவையான எதிர்ப்பாற்றலை வழங்குகிறது. முருங்கைக்கீரையை அடிக்கடி உணவில் சேர்த்துக்கொள்வது உடலுக்கு பல்வேறு நன்மையளிக்கிறது. எனவே அடிக்கடி முருங்கைக்கீரையை சேர்த்து உடலுக்கு வலு சேர்த்திடுங்கள்.

பன்னீர் – 400 கிராம்

சோள மாவு – அரை கப்

மைதா – கால் கப்

உப்பு – தேவையான அளவு

மிளகு தூள் – சிறிதளவு

எண்ணெய் – பொரிக்க தேவையான அளவு

சில்லி பன்னீர் செய்ய

எண்ணெய் – ஒரு டேபிள் ஸ்பூன்

பூண்டு நறுக்கியது – ஒரு டேபிள் ஸ்பூன்

இஞ்சி நறுக்கியது – ஒரு டேபிள் ஸ்பூன்

சிவப்பு மிளகாய் – 4 (நறுக்கியது)

வெங்காயம் – 1 பெரிய துண்டுகளாக நறுக்கியது

குடைமிளகாய் – 1 பெரிய துண்டுகளாக நறுக்கியது

மிளகு தூள் – சிறிதளவு

வினிகர் – ஒரு ஸ்பூன்

சோயா சாஸ் – 2 ஸ்பூன்

தக்காளி கெட்சப் – 2 டேபிள் ஸ்பூன்

ரெட் சில்லி சாஸ் – 2 டேபிள் ஸ்பூன்

காஷ்மீரி மிளகாய் தூள் – ஒரு ஸ்பூன்

வெங்காயத்தாள் வெங்காயம் நறுக்கியது – ஒரு டேபிள் ஸ்பூன்

கரைத்த சோள மாவு – அரை கப்

வெங்காயத்தாள் கீரை நறுக்கியது – ஒரு கைப்பிடி

செய்முறை

பன்னீரை பெரிய துண்டுகளாக நறுக்கிக்கொள்ள வேண்டும்.

பாத்திரத்தில், சோள மாவு, மைதா, உப்பு, மிளகுத்தூள், தண்ணீர் சேர்த்து கரைத்துக்கொள்ள வேண்டும்.

பன்னீர் துண்டுகளை, சோள மாவு கலவையில் முக்கி எடுத்து எண்ணெயில் பொரித்து எடுத்துக்கொள்ள வேண்டும்.

கடாயில் எண்ணெய் ஊற்றி, பூண்டு, இஞ்சி, சிவப்பு மிளகாய் சேர்த்து வதக்கவேண்டும்.

இதில் வெங்காயம், குடைமிளகாய், உப்பு, மிளகு தூள் சேர்த்து சில நிமிடங்கள் வதக்கவேண்டும்.

பின் இதில், வினிகர், சோயா சாஸ், தக்காளி கெட்சப், ரெட் சில்லி சாஸ், காஷ்மீரி மிளகாய் தூள் சேர்த்து வதக்கவேண்டும்.

இதில் சிறிது தண்ணீர் சேர்த்து கிளறவேண்டும்.

அடுத்து இதில் சோள மாவு கலவையை ஊற்ற வேண்டும்.

அடுத்து வெங்காயத்தாள் வெங்காயம், பொரித்த பன்னீர் துண்டுகள், வெங்காயத்தாள் கீரை சேர்த்து கிளறவேண்டும்.

சுவையான சில்லி பன்னீர் தயார்.

குழந்தைகள் இதை விரும்பி சாப்பிடுவார்கள்.

நன்றி – ஹேமா சுப்ரமணியன்.