மெட்ரோ ரயிலில் குத்தாட்டம் போட்ட பிரபல நட்சத்திர நடிகை.. வீடியோ வைரல்..!
பாலிவுட் நடிகை நோரா ஃபதேகி ஆடிய நடனத்தால் மும்பை மெட்ரோ ரயில் திக்குமுக்காடிப்போனது.
பாலிவுட் ரசிகர்கள் மத்தியில் மிகவும் பிரபலமானவர் நோரா ஃபதேகி, பாலிவுட்டின் நட்சத்திர நடிகையாக வலம் வரும் இவர் தனது கிளாமர் நடனத்தால் ரசிகர்களை கிறங்கடித்தவர்.
2014 ஆம் ஆண்டு ரோர்: டைகர்ஸ் ஆஃப் தி சுந்தர்பான்ஸ் என்ற படத்தின் மூலம் இந்தி படத்தில் நடிகையாக அறிமுகமானார் நோரா ஃபதேஹி. இந்த அப்படத்தை தொடர்ந்து பிக் பாஸ் நிகழ்ச்சியில் பங்கேற்க இவருக்கு வாய்ப்பு கிடைத்தது.
இந்த நிகழ்ச்சியில் ரசிகர்களின் பேராதரவுடன் 84 நாட்கள் பிக் பாஸ் வீட்டில் இருந்துவிட்டு வெளியேறினார் நோரா. அதன் பின், தெலுங்கு, மலையாளம், இந்தி என பல படங்களில் கவர்ச்சி நடனம் ஆடி பிரபலமானார். தெலுங்கு மொழியில் இயக்குநர் ராஜமௌலி இயக்கத்தில் வெளியான பாகுபலி படத்தில் மனோகரி என்ற பாடலுக்கு கிளாமர் உடையில் ஆடி உலக பேமஸ் ஆனார் நோரா.
தற்போது இந்தி மற்றும் தெலுங்கு மொழிகளில் நாயகியாகவும் படங்களில் நடித்து வருகிறார். நடிகை, மாடல், தயாரிப்பாளர், பாடகி, நடன கலைஞர் பன்முக திறமை கொண்ட நடிகை நோரா ஃபதேகி நடனத்திற்கென்று தனி ரசிகர் பட்டாளமே உண்டு.. சாகி சாகி, தில்பர், மாணிக்கே பாடல்களுக்கு இவர் உடலை வளைத்து நெளித்து ஆடிய நடனம் மூலம் புகழ் வெளிச்சத்துக்கு வந்தார்.
இந்த நிலையில், தனது புதிய படமான மத்கோன் எக்ஸ்பிரஸ் படத்தின் விளம்பர நிகழ்ச்சிக்காக மும்பை மெட்ரோ ரயிலில் பயணித்த நோரா ஃபதேகி, பயணிகள் மற்றும் ரசிகர்களுடன் சேர்ந்து குத்தாட்டம் போட்டு அசத்தினார்.
