GP Muthu: எங்க அம்மாவுக்கு அப்புறம் விஜயகாந்த் தான்.. நினைவிடத்தில் ஜிபி முத்து கண்ணீர் மல்க அஞ்சலி

கடந்த டிசம்பர் 28 ஆம் தேதி நடிகரும், தேமுதிக தலைவருமான விஜயகாந்த் உடல்நலக்குறைவால் காலமானார். அவரது மறைவு செய்தி ஒட்டுமொத்த தமிழ் மக்களையும் அதிர்ச்சியில் ஆழ்த்தியது. விஜயகாந்த் இல்லை என்பதை இன்னும் பலராலும் ஏற்றுக்கொள்ளாத முடியாததாகவே உள்ளது. இதனிடையே விஜயகாந்த் உடல் தீவுத்திடலில் பொதுமக்கள் அஞ்சலிக்காக வைக்கப்பட்டது. இதில் லட்சக்கணக்கான மக்கள் பல்வேறு இடங்களில் இருந்தும் வருகை தந்து அவருக்கு கண்ணீர் மல்க அஞ்சலி செலுத்தினர்.

இதனைத் தொடர்ந்து விஜயகாந்த் உடல் சென்னை கோயம்பேட்டில் உள்ள தேமுதிக தலைமை அலுவலகத்தில் நல்லடக்கம் செய்யப்பட்டுள்ளது. இதனிடையே தினமும் பொதுமக்களும் , இறுதி நிகழ்வில் கலந்து கொள்ள முடியாத பிரபலங்களும் நேரில் சென்று கண்ணீர் மல்க அஞ்சலி செலுத்தி வருகின்றனர். இதனால் எப்போதும் வெறிச்சோடி காணப்படும் தேமுதிக அலுவலகம் விஜயகாந்த் மீதான் அன்பால் கூடிய மக்கள் கூட்டத்தால் நிரம்பி வழிகிறது.