குரு பெயர்ச்சி 2024: இந்த ராசிகளுக்கு லாபம், பண வரவு, வெற்றி… திகட்ட திகட்ட மகிழ்ச்சி

புத்திசாலித்தனம், அறிவாற்றல், திருமணம், கல்வி, குழந்தைகள், ஆன்மீகப் பணிகள், செல்வம், தானம் ஆகியவற்றின் காரணி கிரகமாக இருப்பவர் குரு பகவான். மே 1 ஆம் தேதி நடக்கவுள்ள குரு பெயர்ச்சியால் அதிகப்படியான நன்மைகளை அடையவுள்ள ராசிகளை (Zodiac Signs) பற்றி இந்த பதிவில் காணலாம்.

அனைத்து கிரகங்களும் ஒரு குறிப்பிட்ட காலத்தில் தங்கள் ராசிகளை மாற்றுகின்றன. இவை கிரக பெயர்ச்சிகள் என அழைக்கப்படுகின்றன. இவற்றின் தாக்கம் அனைத்து ராசிகளிலும் தெரிகின்றன.

குரு பெயர்ச்சி: அனைத்து கிரகங்களும் தங்கள் ராசிகளை மாற்றி பெயர்ச்சி அடைந்தாலும், சில கிரகங்களின் பெயர்ச்சிகள் மிகப்பெரிய ஜோதிட நிகழ்வுகளாக பார்க்கப்படுகின்றன. உதாரணமாக, சனி பெயர்ச்சிக்கும் குரு பெயர்ச்சிக்கும் மிகப்பெரிய முக்கியத்துவம் அளிக்கப்படுகின்றது.

குரு பெயர்ச்சி 2024: மே 1 ஆம் தேதி குரு பகவான் தனது ராசியை மாற்றி பெயர்ச்சி ஆகவுள்ளார். தற்போது மேஷ ராசியில் இருக்கும் அவர் ரிஷப ராசிக்கு பெயர்ச்சி ஆவார். இது இந்த ஆண்டின் மிகப்பெரிய ஜோதிட நிகழ்வாக பார்க்கப்படுகின்றது.

அனைத்து கிரகங்களையும் போலவே குரு பகவானின் பெயர்ச்சியின் தாக்கமும் அனைத்து ராசிகளிலும் தாக்கத்தை ஏற்படுத்தும். எனினும் சில ராசிகளில் இதனால் அதிகப்படியான நன்மைகள் ஏற்படும். அந்த ராசிகளை பற்றி இந்த பதிவில் காணலாம்.

ரிஷபம்: குரு பகவான் ரிஷப ராசியில்தான் பெயர்ச்சி ஆகவுள்ளார். இந்த பெயர்ச்சி ரிஷப ராசிக்காரர்களுக்கு அபரிமிதமான முன்னேற்றத்தையும் வெற்றியையும் தரும். தொழில்துறையில் சாதகமான முன்னேற்றங்கள் ஏற்படும். கிரக நிலைகள் பதவி உயர்வு அல்லது புதிய வாய்ப்புகளுக்கு வழிவகுக்கும். இந்த காலத்தில் புதிய தொழில் தொடங்குவது சாதகமாக இருக்கும். எதிர்பாராத இடங்களிலிருந்து பண வரவு இருக்கும். சட்ட சிக்கல்களில் நிவாரணம் கிடைக்கும்.

மிதுனம்: மிதுன ராசிக்காரர்களுக்கு குரு பெயர்ச்சியால் ஏற்படும் மாற்றம் சுபமான மாற்றமாக இருக்கும். இந்த ராசிக்காரர்கள் வாழ்வின் அனைத்து துறைகளிலும் வெற்றியை அனுபவிக்க முடியும். பொருளாதார ஆதாயங்களும், பொருள் வசதிகளும் அதிகமாகும். இந்த காலகட்டத்தில் முதலீடு செய்யலாம். திடீரென்று எதிர்பாராத லாபம் கிடைக்க வாய்ப்பு உண்டு.

சிம்மம்: சிம்மம் ராசிக்காரர்களுக்கு குரு பெயர்ச்சி லாபகரமானதாக இருக்கும். சுப பலன்கள் கிடைக்கும். அலுவலக வேலையில் இருப்பவர்களுக்கு பதவி உயர்வும் ஊதிய உயர்வும் கிடைக்கும். சமூகத்தில் மரியாதை கூடும். வாழ்க்கைத் துணையின் ஆதரவு கிடைக்கும்.

கன்னி: கன்னி ராசிக்காரர்களுக்கு குரு பெயர்ச்சி தொழிலில் வெற்றியைத் தரும். உடல் ஆரோக்கியம் மேம்படும். பணி இடத்தில் பதவி உயர்வு மற்றும் ஊதிய உயர்வு கிடைக்கும். வேலை தேடிக்கொண்டு இருக்கும் கன்னி ராசிக்காரர்களுக்கு இப்போது நல்ல வேலை கிடைக்கும். போட்டித் தேர்வுகளுக்குத் தயாராகி வருபவர்கள் வெற்றி பெறுவார்கள்.

தனுசு: தனுசு ராசிக்காரர்கள் குரு பெயர்ச்சியால் அனுகூலமான பலன்களை பெறுவார்கள். இந்தக் காலகட்டத்தில் தன்னம்பிக்கை அதிகரிக்கும். தொழில், வியாபாரத்தில் முன்னேற்றம் அடைய அதிக வாய்ப்புகள் கிடைக்கும். திடீர் முன்னேற்றத்தல பண வரவு அதிகமாகும். பல சாதனைகளை செய்வீர்கள். வியாபாரத்தில் லாபம் அதிகரிக்கும்.

குரு பகவானை மகிழ்வித்து அவரது அருள் பெற, ‘குரு பிரம்மா குரு விஷ்ணு, குரு தேவோ மகேஸ்வர; குரு சாஷாத் பரப்பிரம்மா, தஸ்மை ஸ்ரீகுருவே நமஹ’ என்ற ஸ்தோத்திரத்தை பாராயணம் செய்யலாம். வியாழக்கிழமைகளில் கொண்டைக்கடலை சுண்டல் நெய்வேத்தியம் செய்து வழிபடுவதும் நல்ல பலனை அளிக்கும்.