அரசியலுக்கு வரும் சூர்யா ஹீரோயின்: அம்மா மாதிரியே பாஜகவா?
பாலிவுட் நடிகை ஹேமமாலினியின் மூத்த மகள் இஷா தியோலும், அவரின் காதல் கணவரான தொழில் அதிபர் பரத் தக்தானியும் பிரிவதாக கடந்த சில நாட்களுக்கு முன்பு அறிவிப்பு வெளியிட்டார்கள். கணவரை பிரிந்தபோது மகள்கள் ராத்யா, மிராயாவை தன்னுடன் அழைத்துச் சென்றுவிட்டார் இஷா.
அவரின் இந்த முடிவுக்கு அம்மா ஹேமமாலினியும், அப்பா தர்மேந்திராவும் ஆதரவு தெரிவித்துள்ளனர். இந்நிலையில் பேட்டி ஒன்றில் மகளை பற்றி பேசியிருக்கிறார் ஹேமமாலினி.
அவர் கூறியிருப்பதாவது,
இஷாவுக்கு அரசியல் மீது ஆர்வம் அதிகம் இருக்கிறது. இன்னும் சில ஆண்டுகளில் அவர் விரும்பினால் நிச்சயம் அரசியலுக்கு வருவார் என்றார். ஹேமமாலினி பாஜக எம்.பி.யாக இருக்கிறார். அதனால் அவர் வழியில் இஷாவும் பாஜகவில் சேர்வார் போன்று என ரசிகர்கள் பேசி வருகிறார்கள்.
இஷா படங்களில் நடிப்பதுடன் புத்தகம் எழுதியிருக்கிறார். அம்மா மியா என அவர் எழுதிய புத்தகத்தில், எனக்கு இரண்டாவது குழந்தை பிறந்த பிறகு பரத்தை நான் கவனிக்கவில்லை என அவர் நினைத்தார். இரண்டு மகள்களையும் கவனித்துக் கொண்டு சினிமா, புத்தகம் எழுதுவதில் பிசியாக இருந்தேன். அதன் பிறகு என் தவறை திருத்திக் கொண்டேன் என்றார்.
பள்ளியில் படித்தபோது பரத் தக்தானி, இஷா தியோல் இடையே காதல் ஏற்பட்டது. பள்ளிகளுக்கு இடையேயான போட்டியின்போது போது தான் இஷாவும், பரத்தும் முதல் முறையாக சந்தித்து பேசியிருக்கிறார்கள். முதல் சந்திப்பிலேயே இருவருக்கும் பிடித்துவிட்டது. இதையடுத்து தன் போன் நம்பரை பரத்திடம் கொடுத்திருக்கிறார் இஷா.
அம்மா ஹேமமாலினிக்கு தெரியாமல் அவர் அறையில் இருந்த போன் மூலம் பரத்துடன் பேசி காதலை வளர்த்திருக்கிறார் இஷா. கல்லூரியில் சேர்ந்த போதும் காதல் தொடர்ந்தது. ஆனால் இஷா படங்களில் நடிக்கத் துவங்கியபோது பரத்துடன் தொடர்பில் இல்லாமல் போய்விட்டார்.
பின்னர் மீண்டும் பரத்துடன் டச்சில் இருந்தார். அப்படித் தான் காதலை வளர்த்து இரு வீட்டாரிடமும் சொல்லி சம்மதம் வாங்கி திருமணம் செய்து கொண்டார்கள்.
இஷா தியோலும், பரத் தக்தானியும் பிரிவார்கள் என யாருமே எதிர்பார்க்கவில்லை. பள்ளி காலத்து காதல் கடைசி வரை தொடரும் என்றே எதிர்பார்க்கப்பட்டது. ஆனால் அவர்களுக்கு இடையே பிரச்சனை ஏற்பட்டு விவாகரத்து வரை சென்றுவிட்டார்கள்.
பிரிந்துவிட்டாலும் மகள்கள் விஷயத்தில் சேர்ந்தே முடிவு எடுப்போம் என பரத்தும், இஷாவும் தெரிவித்துள்ளனர்.
