அதிக வட்டி.. சிறந்த ரிட்டன்.. ஃபிக்சட் டெபாசிட் திட்டத்தில் பிரபல வங்கியின் சூப்பரான அறிவிப்பு

ஃபிக்சட் டெபாசிட்களில் முதலீடு செய்வது கஷ்டப்பட்டு சம்பாதித்த பணத்தை பாதுகாப்பாக வைப்பதற்கும், அதே நேரத்தில் உறுதி அளிக்கப்பட்ட ரிட்டன்களை பெறுவதற்குமான ஒரு சிறந்த வழி. இவ்வாறு முதலீடு செய்யக்கூடிய நபர்கள் சிறந்த வட்டி விகிதங்களை எதிர்பார்ப்பதால் அரசு வங்கியான பேங்க் ஆஃப் பரோடா சமீபத்தில் Bob 360 என்ற பெயரில் ஒரு சிறப்பு ஃபிக்சட் டெபாசிட் திட்டத்தை அறிமுகப்படுத்தி உள்ளது.

ஜனவரி 15ஆம் தேதி அறிமுகமான Bob 360 டெபாசிட் திட்டமானது ஒரு குறுகிய கால ரீடைல் டெபாசிட் திட்டம். இது சீனியர் சிட்டிசன்களுக்கு 7.60% வரையிலான வட்டியையும், பொதுமக்களுக்கு 7.10 சதவீதம் வரையிலான வட்டியையும் 360 நாட்களுக்கு வழங்குகிறது. இந்த வட்டி விகிதம் 2 கோடி ரூபாய்க்கும் குறைவான ரீடைல் டெபாசிட்களுக்கு கொடுக்கப்படுகிறது. இந்த திட்டத்தில் ஒருவர் குறைந்தப்பட்சமாக 1000 ரூபாயையும், அதிகப்பட்சமாக 2 கோடி ரூபாயையும் முதலீடு செய்யலாம்.

வங்கியின் குறுகிய கால ரீடைல் டேர்ம் டெபாசிட்களின் பங்கை மேம்படுத்துவதே Bob 360 திட்டத்தின் முதன்மை குறிக்கோள் என்பதை பேங்க் ஆஃப் பரோடா எக்ஸிக்யூடிவ் டைரக்டர் ஜாய்தீப் டுட்டோ ராய் கூறினார். இந்தியா முழுவதும் உள்ள எந்த ஒரு பேங்க் ஆஃப் பரோடா வங்கி கிளையில் வேண்டுமானாலும் பழைய மற்றும் புது கஸ்டமர்கள் Bob 360 திட்டத்தின் மூலமாக பலன் அடையலாம். கூடுதலாக நெட் பேங்கிங் வசதி மூலமாக கஸ்டமர்கள் ஆன்லைனிலும் ஃபிக்சட் டெபாசிட் அக்கவுண்ட்டை திறப்பதற்கு அனுமதிக்கப்படுகிறார்கள். அதே நேரத்தில் பழைய கஸ்டமர்கள் மொபைல் அப்ளிகேஷன் மூலமாகவும் இதனை செய்யலாம்.

பொதுவான கஸ்டமர்களுக்கு, கால அளவின் அடிப்படையில் ஃபிக்சட் டெபாசிட்களுக்கு பல்வேறு வட்டி விகிதங்களை பேங்க் ஆஃப் பரோடா வழங்குகிறது:

7 நாட்கள் முதல் 14 நாட்கள் வரை – 4.25%

15 நாட்கள் முதல் 45 நாட்கள் வரை – 4.50%

46 நாட்கள் முதல் 90 நாட்கள் வரை – 5.50%

91 நாட்கள் முதல் 180 நாட்கள் வரை – 5.60%

181 நாட்கள் முதல் 210 நாட்கள் வரை – 5.75%

211 நாட்கள் முதல் 270 நாட்கள் வரை – 6.15%

271 நாட்கள் மற்றும் 1 வருடத்திற்கும் குறைவாக – 6.25%

1 வருடம் – 6.85%

1 வருடம் முதல் 400 நாட்களுக்கு மேல் – 6.75%

நாட்களுக்கு மேல் 400 மற்றும் 2 வருடங்கள் வரை – 6.75%

2 வருடங்கள் முதல் 3 வருடங்களுக்கு மேல் மற்றும் 5 வருடங்கள் வரை – 7.25%

3 வருடங்களுக்கு மேல் 5 வருடங்கள் வரை – 6.50%

5 வருடங்களுக்கு மேல் 10 வருடங்கள் வரை – 6.50%

10 வருடங்களுக்கு மேல் (கோர்ட் ஆர்டர் திட்டம்) – 6.25%

399 நாட்கள் (பரோடா டிரைகலர் பிளஸ் டெபாசிட் திட்டம்) – 7.16%