அதிகாலையில் கோர விபத்து… வேனில் வேளாங்கண்ணி சென்ற 4 பக்தர்கள் சம்பவ இடத்திலேயே துடிதுடித்த பலியான சோகம்!

இன்று அதிகாலையிலே கோர விபத்து ஏற்பட்டு 4 பேர் சம்பவ இடத்திலேயே பரிதாபமாக உயிரிழந்தனர். சேதுபாவாசத்திரம் அருகே சென்று கொண்டிருந்த போது, தடுப்புச் சுவரில் வேன் மோதிய விபத்தில் 4 பேர் உயிரிழந்துள்ளனர்.

இந்த விபத்தில் படுகாயமடைந்த 7 பேர் மருத்துவமனையில் அனுமதிக்கப்பட்டுள்ளனர்.

தூத்துக்குடியில் இருந்து நாகை மாவட்டம் வேளாங்கண்ணி ஆரோக்கிய மாதா திருத்தலத்திற்கு நேற்று இரவு பக்தர்கள் சிலர் ஒரு வேனில் புறப்பட்டனர். கிழக்கு கடற்கரைச் சாலை தஞ்சை மாவட்டம் சேதுபாவாசத்திரம் அருகே இன்று அதிகாலை வந்து கொண்டிருந்தபோது திடீரென நிலை தடுமாறிய வேன் சாலையோர தடுப்புச் சுவரில் பயங்கரமாக மோதியது.

இதில் வேனில் இருந்தவர்கள் தூக்கி வீசப்பட்டு படுகாயம் அடைந்தனர். அவர்களில் சின்னபாண்டி (35), பாக்கியராஜ் (60) , ஞானாம்பாள் (60), ராணி (40) ஆகியோர் சம்பவ இடத்திலேயே பரிதாபமாக உயிரிழந்தனர்.

இகுறித்த தகவல் அறிந்த சேதுபாவாசத்திரம் போலீஸார் விரைந்து வந்து, படுகாயம் அடைந்த ஒரு சிறுவன், பெண்கள் உட்பட ஏழு பேரை மீட்டு பட்டுக்கோட்டை அரசு மருத்துவமனைக்கு அனுப்பி வைத்தனர்.