வாக்காளர் அடையாள அட்டையை பதிவிறக்கம் செய்வது எப்படி? ஆதாருடன் இணைப்பது கட்டாயமா?

தேர்தல் நடைமுறைகள் அமலுக்கு வந்துவிட்டது. இனி தேர்தல் திருவிழா மூன்று மாதங்களுக்கு களை கட்டும். பலருக்கும் பல சந்தேகங்கள் தோன்றும். அதில் ஒன்று தான் வாக்காளர் அடையாள அட்டை பற்றிய தகவல்கள்…

வாக்காளர் அடையாள அட்டையை பதிவிறக்கம் செய்வது எப்படி? ஆதாருடன் இணைப்பது கட்டாயமா? என பல கேள்விகள் உங்களுக்கும் எழுகிறதா? இந்தக் கட்டுரையில் வாக்காளர் அடையாள அட்டை பதிவிறக்கம் தொடர்பாக தெரிந்துக் கொள்வோம்

தேர்தல் ஆணையத்தின் அதிகாரப்பூர்வ இணையதளத்தில் இருந்து வாக்காளர் அடையாள அட்டையை பதிவிறக்கம் செய்வது மிகவும் எளிதானது. இந்த முழு செயல்முறையும் சில நிமிடங்கள் மட்டுமே ஆகும். வாக்காளர் அடையாள அட்டையை பதிவிறக்கம் செய்யும் படிப்படியான செயல்முறையை தெரிந்து கொள்வோம்

வாக்காளர் அடையாள அட்டையுடன், ஆதார் இணைப்பு செய்ய வேண்டியது சட்டப்படி கட்டாயமாகும். நீங்கள் அந்த வேலையை செய்யவில்லை என்றால், அதையும் செய்து முடித்துவிடுங்கள்

வாக்களிக்க செல்பவர்களின் அடையாள அட்டை சரிபார்த்த பிறகே, வாக்களிக்க அனுமதிக்கப்படுவார்கள் என்பதால், வாக்காளர் அடையாள அட்டையை புதுப்பித்துக் கொள்ளுங்கள்

வாக்காளர் அடையாள அட்டையை பதிவிறக்கம் செய்ய, முதலில் நீங்கள் வாக்காளர் சேவை போர்ட்டலுக்குச் செல்ல வேண்டும். போர்ட்டலில் உள்நுழைவதற்கான விருப்பத்திற்குள் நுழைந்து உங்கள் விவரங்களை நிரப்ப வேண்டும், அதன் பிறகு நீங்கள் ‘பதிவு’ செய்ய வேண்டும். உங்களிடம் கடவுச்சொல் மற்றும் மொபைல் எண் OTP கேட்கப்படும், அதை உள்ளிட வேண்டும்

‘படிவம் 6’ இங்கே தெரியும், பொது வாக்காளர்களாக புதிய பதிவு செய்யலாம். ‘E-EPIC பதிவிறக்கம்’ என்ற விருப்பமும் தோன்றும், EPIC எண்ணை நிரப்பும் போது கவனமாக நிரப்பவும்

அனைத்து விவரங்களையும் சரியாக பூர்த்தி செய்த பிறகு, OTP ஐ உள்ளிடுவதற்கான விருப்பம் தோன்றும். OTP ஐ உள்ளிட்டவுடன், வாக்காளர் அடையாள அட்டையை பதிவிறக்கம் செய்துகொள்ள, ‘Download E-EPIC’ என்ற தெரிவு தோன்றும்

e-EPIC என்பது, EPIC இன் திருத்த முடியாத பாதுகாப்பான போர்ட்டபிள் ஆவண வடிவமைப்பு (PDF) பதிப்பாகும். இதில் வரிசை எண், பகுதி எண் மற்றும் புள்ளிவிவரங்களுடன் கூடிய பாதுகாப்பான QR குறியீட்டைக் கொண்டிருக்கும்.