காபி பொடியை இவ்வாறு சேமித்து வைத்தால் வாசனையும் சுவையும் மங்காது..!

காலையில் எழுந்தவுடன் காபி குடிக்கும் பழக்கம் பலருக்கு உண்டு. இன்னும் சொல்லப்போனால், இவர்களால் ஒரு நாள் கூட காபி குடிக்காமல் இருக்க முடியாது.
அந்த அளவிற்கு இவர்கள் காபிக்கு அடிமையாகி இருக்கின்றன. இதனால் பலர் வீடுகளில் காபி கொட்டைகளை வாங்கி பயன்படுத்துகின்றனர்.

காபி பொடியை இப்படி சேமித்து வைத்தால் அது கெட்டுப் போகாது: காபி பொடியை சரியாக சேமிக்கவில்லை என்றால், சில நாட்களில் அதன் வாசனை மறைந்து, சுவையும் கசப்பாக மாறும். இதுமட்டுமின்றி அதன் அமைப்பும் கெட்டுவிடும். ஆனால், மற்ற உண்ணக்கூடிய பொருட்களைப் போல் காலாவதியாகிவிட்டதாகக் குறிப்பிடவில்லை.

சரியாகச் சேமித்து வைத்தால், நீண்ட நாட்களுக்கு இது கெட்டுப்போவதில்லை. காபியின் சுவை மற்றும் நறுமணம் நீண்ட காலத்திற்கு அப்படியே இருக்கும் வகையில் காபி பொடி எப்படி சேமிப்பது என்பது பற்றி தெரிந்து கொள்ளுங்கள்.

காபியை காற்று புகாத படி வைக்கவும்: நாம் சாப்பிடக்கூடிய எந்தப் பொருளையும் காற்றுப் புகாத டப்பாவில் சேமித்து வைத்தால், அது நீண்ட நாட்களுக்கு கெட்டுப் போகாது. எனவே எப்போதும் காபி பொடியை காற்று புகாத டப்பாவில் வைக்க வேண்டும். முக்கியமாக, நீங்கள் பயன்படுத்தும் டப்பா சுத்தமாகவும், எந்த வாசனையும் இல்லாம் இருக்க வேண்டும்.

அடுப்பு பக்கத்தில் வைக்காதே! சிலருக்கு அடுப்பு பக்கத்தில் காபி பொடி இருக்கும் டப்பாவை வைப்பார்கள். ஆனால் இது தவறு. ஏனெனில், அதிக வெப்பம் காபி பொடியை கெடுக்கும்.

குளிர்ந்த இடத்தில் வைக்கவும்: குறைந்தபட்ச சூரிய ஒளி மற்றும் வெளிச்சம் உள்ள இடத்தில் காபி பொடி டப்பாவை வைக்க வேண்டும். குளிர்ந்த இடத்தில் வைத்திருப்பது அதன் சுவையையும் மணத்தையும் தக்க வைத்துக் கொள்ளும்.

மசாலாப் பொருட்கள் பக்கத்தில் வைக்காதே: சமையலறையில் மசாலாப் பெட்டி வைத்திருக்கும் இடத்தில் காபி பொடி டப்பாவை வைக்க கூடாது. னென்றால், காபி அதன் சுற்றுப்புறத்தின் நறுமணத்தை மிக விரைவாக உறிஞ்சிவிடும், இதன் காரணமாக காபியின் சொந்த சுவை மந்தமாகிறது.

காபி கொட்டை நல்லது: நீங்கள் காபி தூள் வாங்குவதற்கு பதிலாக காபி கொட்டைகளை வாங்கலாம். இதற்காக நீங்கள் ஒரு காபி இயந்திரத்தை வாங்க வேண்டிய அவசியமில்லை. நீங்கள் காபி குடிக்க விரும்பும்போது, காபி கொட்டைகளை வறுத்து, பொடி செய்து நேரடியாக பயன்படுத்தலாம்.