நீங்கள் வாடகை வீட்டிற்கு போனால் ஏன் வாடகை ஒப்பந்தம் 11 மாதம் மட்டும் செய்யப்படுகிறது தெரியுமா..?

ஒரு வாடகை ஒப்பந்தம் சொத்து உரிமையாளருக்கும் குத்தகைதாரருக்கும் இடையே ஒரு சட்ட உறவை நிறுவுகிறது. வரவிருக்கும் 11 மாதங்களில் இரு தரப்பினரும் செய்ய வேண்டிய பொறுப்புகளை இது குறிப்பிடுகிறது.11 மாத வாடகை ஒப்பந்தத்தில் சொத்தின் வாடகை, பராமரிப்பு, பாதுகாப்பு போன்ற சட்ட விதிமுறைகள் மற்றும் நிபந்தனைகள் உள்ளன. இது நில உரிமையாளர் மற்றும் குத்தகைதாரர் இருவரும் விதிமுறைகள் மற்றும் நிபந்தனைகளில் தெளிவாக இருக்கவும், அவர்கள் அதற்கு இணங்குவதை உறுதி செய்யவும் உதவுகிறது.

பெரும்பாலான மக்கள் (அது குத்தகைதாரராக இருந்தாலும் அல்லது நில உரிமையாளராக இருந்தாலும்) 11 மாத வாடகை ஒப்பந்தத்தை அதன் நுட்பமான தன்மை மற்றும் மலிவு விலையில் தேர்வு செய்கிறார்கள். அதாவது 12 மாதங்களுக்கும் மேலாக வாடகை ஒப்பந்தம் செய்யப்பட்டால், அதை உள்ளூர் அதிகாரசபையில் பதிவு செய்வது கட்டாயமாகும். மறுபுறம், 11 மாத வாடகை ஒப்பந்தம், பதிவின் சிக்கலைத் தடுக்கிறது, இது குத்தகைதாரர் மற்றும் நில உரிமையாளர் ஆகிய இருவருக்கும் செயல்முறையை எளிதாக்குகிறது. கூடுதலாக, 11 மாத வாடகை ஒப்பந்தத்தை உருவாக்கும் போது, ​​குத்தகைதாரர்கள் பதிவுச் செலவை ஏற்க வேண்டியதில்லை, இதனால் செயல்முறை மிகவும் செலவு குறைந்ததாக இருக்கும்.

வாடகை அல்லது குத்தகை ஒப்பந்தம் ஒரு வருடத்திற்கும் குறைவாக இருந்தால், ஒப்பந்த பத்திரத்தை பதிவு செய்ய வேண்டிய அவசியமில்லை. ஒரு வருடத்திற்கும் குறைவான கால அளவு கொண்ட குத்தகை ஒப்பந்தம் 1908 ஆம் ஆண்டின் பதிவுச் சட்டத்தின் பிரிவு 17 இன் கீழ் பதிவு செய்யப்பட வேண்டிய அவசியமில்லை. இந்தச் சட்ட விதிகள் 1 வருடத்திற்கும் குறைவான குத்தகை ஒப்பந்தங்களைப் பதிவு செய்யாமல் கையொப்பமிடலாம் என்பதைக் குறிக்கிறது.

ஒரு வருடத்திற்கும் குறைவாக இருக்கும் குத்தகை பத்திரங்களைப் பதிவு செய்யாமல் இருப்பதால் முத்திரை கட்டணம் செலுத்துவதைத் தவிர்க்கலாம், இது வீட்டின் உரிமையாளர்களுக்குப் பணத்தை மிச்சப்படுத்தலாம் என்பதால் தான் 11 மாத குத்தகை ஒப்பந்தம் பரிந்துரைக்கப்படுகிறது.

20 ரூபாய் முத்திரைத்தாளில் அங்கீகரிக்கப்பட்ட முத்திரை விற்பனையாளரிடம் வாங்கி, வாடகைதாரர் – உரிமையாளர் இருவருமே பத்திரத்தை நிரப்பிக் கொள்ள வேண்டும்.. 11 மாதத்திற்கு ஒருமுறை மறக்காமல் அதை புதுப்பித்துக்கொள்ள வேண்டும்.. ஆனால், 11 மாத காலத்திற்கு மேற்பட்ட பத்திரப்பதிவுகளை, பத்திர ஆபீசில்தான் பதிவு செய்ய வேண்டும்..

ஒப்பந்தம் முடிந்தும் அடுத்ததாக எந்த ஒரு ஒப்பந்தமும் போடவில்லை என்றாலும், வாடகைக்கு குடியிருப்பவர் தொடர்ந்து 6 மாதம் அந்த வீட்டில் குடியிருக்கலாம். அதேபோல வாடகை ஒப்பந்தத்தில் கையெழுத்துப் போட்டவர் துரதிர்ஷ்டவசமாக இறந்துபோகும் சமயத்தில், ஒப்பந்தத்தில் குறிப்பிட்டுள்ள உறவினர்கள் யாராவது இருந்தால் அவர்கள் ஒப்பந்தம் முடியும் வரை அந்த வீட்டில் தங்கிக்கொள்ளலாம். அதேசமயம், ஏதாவது இடையூறு இருந்தால், வாடகைதாரர் அல்லது வீட்டு ஓனர் இவர்களில் யார் வேண்டுமானாலும் கோர்ட்டுக்கு சென்று முறையிடலாம். எந்தெந்த விஷயத்துக்கு கோர்ட்டுக்கு செல்லலாம் தெரியுமா? ஒருவேளை, வீட்டு ஓனர் திடீரென வாடகையை உயர்த்திவிட்டால், அந்த வாடகை உயர்வில் வாடகைதாரருக்கு விருப்பம் இல்லையென்றால், கோர்ட்டில் சென்று முறையிடலாம். அதேபோல, வீட்டு ஓனரும், வாடகைக் கட்டணம் உயர்த்தும்போது வாடகைதாரர் ஒத்துக்கொள்ளாதபட்சத்தில், கோர்ட்டுக்கு சென்று முறையிடலாம். ஆனால், எதற்காக வீட்டு வாடகை உயர்த்தப்படுகிறது என்ற காரணத்தை ஓனர் கோர்ட்டில் தெளிவாக சொல்ல வேண்டும்.

ஹவுஸ் ஓனர் திடீரென வீட்டை காலி செய்ய சொல்வது, தண்ணீர், கரண்ட் போன்ற அத்தியாவசியமான தேவைகளை நிறுத்திவிடுவது, இப்படியெல்லாம் தொந்தரவுகள் தந்தால், வாடகைதாரர் உரிமையியல் கோர்ட்டில் சென்று முறையிடலாம்..

இதுபோன்ற வழக்குகள் எல்லாம் உடனடியாக ஏற்றுக்கொள்ளப்பட்டு, அப்போதே தீர்வும் காணப்படும்.. அதேபோல, வாடகை சம்பந்தப்பட்ட வழக்குகளுக்கு வெளியூர்களில் இருப்பவர்களும், மாவட்ட உரிமையியல் கோர்ட்டை அணுகலாம். சென்னைவாசிகளாக இருந்தால், ஹைகோர்ட் வளாகத்தில் அமைந்திருக்கும் சிறுவழக்குகள் நீதிமன்றத்தை அணுகலாம்.