பாகிஸ்தான் எல்லையில் தாக்குதல் நடத்திய ஈரான்.. 2 குழந்தைகள் பலியான சோகம்..!

2012ம் ஆண்டு உருவாக்கப்பட்ட ஜெய்ஷ்-அல்-அதுல் என்ற பயங்கரவாத அமைப்பு பாகிஸ்தான் மற்றும் ஈரானில் செயல்பட்டு வருகிறது. இது ஈரானின் சிஸ்தான் மற்றும் பலுசிஸ்தானிலும் செயல்படுகிறது.

ஷியா முஸ்லீம் நாடான ஈரானுடன் போரிட்டு அப்பகுதியில் சன்னி முஸ்லிம் சுயாட்சி அரசை உருவாக்க இந்த அமைப்பு செயல்பட்டு வருகிறது. இந்நிலையில், பாகிஸ்தானின் மேற்கு எல்லையை ஒட்டிய பகுதியில் இருந்து சன்னி பயங்கரவாத அமைப்பான ஜெய்ஷ்-இ-ஆதில் பயங்கரவாதிகளின் பயங்கரவாத முகாமை குறிவைத்து ஈரான் வான்வழி தாக்குதல் நடத்தியது. இந்த தாக்குதலில் 2 குழந்தைகள் பலியானதாக பாகிஸ்தான் தகவல்கள் தெரிவிக்கின்றன.

இந்தத் தாக்குதலை ஈரானின் புரட்சிகரப் படை என்ற துணை ராணுவப் படை நடத்தியது. பயங்கரவாத முகாம் மீது ஆளில்லா விமானங்கள் மற்றும் ஏவுகணைகள் மூலம் தாக்குதல் நடத்தப்பட்டதாக ஈரான் செய்தி நிறுவனம் தெரிவித்துள்ளது. இந்த தாக்குதல் பாகிஸ்தானின் சம்மதத்துடன் அல்லது அறிவுரையுடன் நடத்தப்படவில்லை என்று கூறப்படுகிறது.