சிங்கப்பூர் சலூனின் முதல் நாள் வசூல் இத்தனை கோடிகளா? வைரலாகும் தகவல்!

FM-ல் தொகுப்பாளராக இருந்து நகைச்சுவை நடிகராக மாறிய ஆர்.ஜே.பாலாஜி தற்போது நாயகனாக நடித்து வருகிறார். அவ்வாறு அவர் நடித்த எல்.கே.ஜி, மூக்குத்தி அம்மன், வீட்ல விஷேசம் உள்ளிட்ட படங்கள் வெற்றியடைந்தன. இந்த நிலையில் தற்போது சிங்கப்பூர் சலூன் என்ற திரைப்படத்தில் நடித்துள்ளார்.

இந்த படத்தை ‘இதற்கு தானே ஆசைப்பட்டாய் பாலகுமாரா’ படத்தை இயக்கிய கோகுல் இயக்கியுள்ளார். இதில் ஆர்.ஜே.பாலாஜி உடன் சத்யராஜ் இரண்டாவது முறையாக நடித்துள்ளார். இதற்கு முன் அவர்கள் கூட்டணியில் ‘வீட்ல விசேஷம்’ படம் வெளியாகி வெற்றி பெற்றது. அதேபோல் ஆர்.ஜே.பாலஜி சத்யராஜ் உடன் மலையாள நடிகர் லால் முக்கிய கதாபாத்திரத்துள்ளார்.

கிஷன் தாஸ், ஆன் ஷீத்தல், தலைவாசல் விஜய், ஜான் விஜய், ரோபோ சங்கர் ஆகியோர் முக்கிய கதாபாத்திரங்களில் நடித்துள்ளனர். இதற்கிடையில், இயக்குநர் லோகேஷ் கனகராஜ் மற்றும் நடிகர் ஜீவா ஆகியோர், இப்படத்தில் சிறப்புத் தோற்றங்களில் தோன்றியுள்ளனர். இந்நிலையில் இந்தப் படம் இன்று திரையரங்குகளில் வெளியாகியுள்ளது.

சிங்கப்பூர் சலூன் ஒரு இளம் சிகை அலங்கார நிபுணரைப் பற்றிய வெற்றிக்கதை ஆகும். தனது கிராமத்தில் ஒரு முடிதிருத்துபவரால் ஈர்க்கப்பட்டு, நிறைய கனவுகளைக் கொண்டிருக்கும் இளைஞர் சிகை அலங்கார ஜெயித்தாரா என்பதை இப்படம் கூறுவதாகத் தெரிகிறது.

சிங்கப்பூர் சலூன் வெற்றிகரமாக ரிலீஸ் ஆகி ரசிகர்களின் பேராதரவை பெற்று வருகிறது. முதல் நாள் முடிவில் சிங்கப்பூர் சலூன் உலகம் முழுவதும் ரூ. 2 கோடி வசூலித்துள்ளதாக தகவல்கள் வெளியாகியுள்ளது.