இஸ்ரேல்- காசா போர் உடனடியாக நிறுத்தப்பட வேண்டும்: இளவரசர் வில்லியம்ஸ் வலியுறுத்து

காசா போரை உடனடியாக முடிவுக்குக் கொண்டுவர வேண்டும் என வேல்ஸ் இளவரசர் வில்லியம் வலியுறுத்தி உள்ளதாக சர்வதேச ஊடகங்கள் செய்தி வெளியிட்டுள்ளன.

வேல்ஸ் இளவரசர் வில்லியம் மத்திய கிழக்கு பகுதியில் ஏற்பட்டுள்ள போர் காரணமாக பொது மக்கள் பாதிக்கப்பட்டு வருவதை அடுத்தே குறித்த விவகாரத்தில் தனது நிலைப்பாட்டை அறிவித்துள்ளதாக கூறப்படுகிறது.

மனிதாபிமான உதவிகள்
இது தொடர்பாக அவர் வெளியிடப்பட்ட அறிக்கையில் குறிப்பிடப்படுள்ளதாவது, “கடந்த ஆண்டு அக்டோபர் 7ஆம் திகதி ஹமாஸ் மத்திய கிழக்கில் நடத்திய தாக்குதல் மற்றும் அதன் பிறகு அங்கு நடைபெறும் சம்பவங்களால் மனித குலம் எதிர்கொள்ளும் இழப்புகளை கண்டு பெரிதும் வருந்துகிறேன்.

இதில் பலர் கொல்லப்பட்டு விட்டனர். நான், மற்றவர்களை போன்றே.இந்த சண்டை உடனடியாக நிறுத்தப்பட வேண்டும் என்றே நினைக்கிறேன்.

காசாவிற்கு மனிதாபிமான உதவிகள் அதிகளவில் தேவைப்படுகிறது. உதவிகள் அதிவேகமாக சென்றடைய வேண்டியதும், பணயக்கைதிகள் விடுவிக்கப்பட வேண்டியதும் அவசியம் ஆகும்” என தெரிவிக்கப்பட்டுள்ளது.

பொதுவாக அரச குடும்பத்தை சேர்ந்தவர்கள் அரசியல் நிகழ்வுகள் குறித்து கருத்து தெரிவிக்காமை வழக்கமாக இருந்து வருகின்ற நிலையிலே இளவரசர் வில்லியம்ஸ் அறிக்கை வெளியிட்டுள்ளமை குறிப்பிடத்தக்கது.