Junior NTR: ரிலீஸ் தள்ளிப்போகும் ஜூனியர் என்டிஆர் படம்.. அட இதுதான் காரணமா?

ஆக்ஷன் என்டர்டெயினராக உருவாகிவரும் இந்தப் படம் மிகப்பெரிய பட்ஜெட்டில் பிரம்மாண்டமாக உருவாகிவருகிறது. படத்தில் ஜூனியர் என்டிஆருக்கு பிரபல பாலிவுட் நடிகை ஜான்வி கபூர் நாயகியாக கமிட் ஆகியுள்ளார். இதன் மூலம் அவர் தென்னிந்திய மொழிகளில் தன்னுடைய என்ட்ரியை பதிவு செய்துள்ளார். முன்னதாக படத்தின் கிளிம்ப்ஸ் வீடியோ வெளியாகி மிரட்டலாக அமைந்திருந்தது.

ரசிகர்களையும் வெகுவாக கவர்ந்து படத்தின் மீதான எதிர்பார்ப்பையும் அதிகரித்துள்ளது. இதனிடையே இந்தப் படத்தில் படப்பிடிப்பு விறுவிறுப்பாக நடந்து வருகிறது. படம் ஏப்ரல் மாதத்தில் ரிலீசாகவுள்ளதாக கூறப்பட்ட நிலையில், ரிலீஸ் தேதி தள்ளிப்போகவுள்ளதாக தெரிகிறது.

நடிகர் ஜூனியர் என்டிஆர்: டோலிவுட்டின் முன்னணி நடிகர்களில் ஒருவராக பல வெற்றி படங்களை தொடர்ந்து கொடுத்து வருகிறார் ஜூனியர் என்டிஆர். பிரபல நடிகர் மற்றும் ஆந்திர முன்னாள் முதல்வர் மறைந்த என்டிஆரின் மகன் என்ற அடையாளம் இவருக்கு இருந்தபோதிலும் தன்னுடைய திறமை, அழகு, மற்றும் நடிப்பு ஆகியவற்றின் மூலம் இவர் ஏராளமான ரசிகர்களை தொடர்ந்து கவர்ந்து வருகிறார். ஜூனியர் என்டிஆருக்கு கடந்த 2022 ஆம் ஆண்டில் வெளியான ஆர்ஆர்ஆர் படம் மிகச் சிறப்பான அடையாளத்தை சர்வதேச அளவில் கொடுத்துள்ளது. சர்வதேச அளவில் ஜூனியர் என்டிஆர்ஐ இந்தப் படம் வெளிப்படுத்தியுள்ளது.

தேவரா படம்: ஆர்ஆர்ஆர் படத்தை பிரபல இயக்குனர் ராஜமவுலி இயக்கியிருந்த நிலையில் படம் ஆஸ்கார் விருதையும் அள்ளியது. இந்நிலையில் ஆச்சாரியா படத்தை இயக்கிய பிரபல இயக்குனர் கொரட்டாலா சிவா இயக்கத்தில் தற்போது ஜூனியர் என்டிஆர், தேவரா படத்தில் நடித்து வருகிறார். இந்த படத்தில் அவருக்கு ஜோடியாக பிரபல பாலிவுட் நடிகை ஜான்வி கபூர் கமிட் ஆகியுள்ளார்.