எந்த ஓடிடியில் கமல்ஹாசனின் இந்தியன்- 2 ரிலீஸ்?
அதனையடுத்து அதன் அடுத்த பாகமாக உருவாகி வரும் இப்படம் பெரும் பொருட்செலவில் பிரமாண்டமாகத் தயாராகி வருகிறது. பல தடைகளைத் தாண்டி படத்தின் வேலைகள் நடைபெறும் நிலையில் எப்போது படம் ரிலீஸ் ஆகும் எனும் அறிவிப்பு அதிகாரப்பூர்வமாக வெளியிடப்படவில்லை.
ஷூட்டிங் நிறைவடைந்து கிராபிக்ஸ் பணிகள் தற்போது நடந்து வருவதாக கூறப்படுவதால் வரும் கோடை விடுமுறையில் படம் திரைக்கு வருவதும் சந்தேகம் என்றே கூறப்படுகிறது. ஷங்கரைப் பொறுத்தவரை, அவரது இயக்கத்தில் கடைசியாக வெளிவந்த படம் ரஜினியின் 2.O. அதன் பின்னர் சுமார் 6 ஆண்டுகளாக அவரது படம் எதுவும் வெளியாகவில்லை. இந்தியன் 2 பணிகள் ஒருபுறம் நடந்துவரும் நிலையில் மறுபுறம் ராம் சரணை கதாநாயகனாக வைத்து அவர் இயக்கிவரும் கேம் சேஞ்சர் படத்திற்கான பணிகளும் ஆண்டுகணக்கில் தொடர்கின்றன.
இந்நிலையில் இந்தியன் 2 ஓடிடி ரிலீஸ் தொடர்பாக அறிவிப்பு ஒன்று வெளியாகியுள்ளது. அதன்படி இப்படத்தின் டிஜிட்டல் உரிமையை நெட்பிளிக்ஸ் நிறுவனம் கைப்பற்றியுள்ளதாக அறிவிக்கப்பட்டுள்ளது. தியேட்டரில் படம் வெளியான பின்னர் ஓடிடியில் வெளியிடும் உரிமையை பெரும் தொகை கொடுத்து அந்நிறுவனம் கைப்பற்றியுள்ளதாகவும் கூறப்படுகிறது.
