புலம்பெயர்தல் சட்டத்தில் மேக்ரான் கையெழுத்திடக்கூடாது… பிரான்ஸ் முழுவதும் திரண்ட பொதுமக்கள்

பிரான்ஸ் நிறைவேற்ற திட்டமிட்டுள்ள புலம்பெயர்தல் சட்டத்தில் பிரான்ஸ் ஜனாதிபதி கையெழுத்திடக்கூடாது என்று கோரி, பிரான்ஸ் முழுவதும் பொதுமக்கள் நேற்று தெருக்களில் இறங்கி ஆர்ப்பாட்டங்களில் ஈடுபட்டார்கள்.

புலம்பெயர்ந்தோருக்கு ஆதரவாக தெருக்களில் இறங்கிய பொதுமக்கள்

பிரித்தானியா ஜேர்மனி போன்ற நாடுகளில் அரசியல்வாதிகள் புலம்பெயர்ந்தோருக்கு எதிராக நடவடிக்கைகள் எடுத்துவருகிறார்கள். கனடா போன்ற நாடுகளில் அரசியல்வாதிகள் மட்டுமின்றி பொதுமக்களும் புலம்பெயர்தலுக்கு எதிராக திரும்பியுள்ளார்கள்.

இப்படிப்பட்ட ஒரு சூழலில், பிரான்ஸ் மக்கள் புலம்பெயர்ந்தோருக்கு ஆதரவாக தெருக்களில் இறங்கிய விடயம் ஆச்சரியத்தை ஏற்படுத்தியுள்ளது.

நேற்று ஞாயிற்றுக்கிழமை, பிரான்ஸ் நிறைவேற்ற திட்டமிட்டுள்ள புலம்பெயர்தல் சட்டத்தில் பிரான்ஸ் ஜனாதிபதி கையெழுத்திடக்கூடாது என்று கோரி, பிரான்ஸ் முழுவதும் பொதுமக்கள் நேற்று தெருக்களில் இறங்கி ஆர்ப்பாட்டங்களில் ஈடுபட்டார்கள்.

ஆர்ப்பாட்டங்களில் ஈடுபட்ட 150,000 பேர்

பிரான்ஸ் தலைநகர் பாரீஸில் 15,000 பேர் உட்பட நாடு முழுவதும் சுமார் 75,000 பேர் ஆர்ப்பாட்டங்களில் ஏடுபட்டதாக உள்துறை அமைச்சகம் தெரிவித்துள்ள நிலையில், வலது சாரி அமைப்பொன்றோ, சுமார் 150,000 பேர் பிரான்ஸ் முழுவதும் ஆர்ப்பாட்டங்கள் இறங்கியதாக தெரிவிக்கிறது.

இந்த புதிய புலம்பெயர்தல் சட்டம், வலதுசாரியினரின் கொள்கைபோல் உள்ளதாகவும், அது பிரான்சின் கொள்கைளுக்கு துரோகம் செய்வதாகவும் கூறி மக்கள் அதற்கு எதிர்ப்பு தெரிவித்துள்ளார்கள்.