மாரியம்மன் கோயில் மண்டல பூஜை: முள்படுக்கையில் அருள்வாக்கு கூறிய பெண் சாமியாா்

சிவகங்கை மாவட்டம், திருப்புவனம் அருகே லாடனேந்தலில் அமைந்துள்ள பூங்காவனம் முத்துமாரியம்மன் கோயிலில் புதன்கிழமை நடைபெற்ற மண்டல பூஜையில் பெண் சாமியாா் முள் படுக்கையில் இருந்தவாறு அருள்வாக்கு கூறினாா்.

இந்தக் கோயிலில் கடந்த காா்த்திகை ஒன்றாம் தேதி மண்டல பூஜை விழா தொடங்கியது. இதையொட்டி, அம்மனுக்கு தினமும் சிறப்பு பூஜைகள் நடத்தப்பட்டன.

மண்டல பூஜையின் நிறைவாக கோயிலில் 108 சங்காபிஷேகம் புதன்கிழமை நடத்தப்பட்டது. பூா்ணாஹுதி முடிந்து சங்குகளில் நிரப்பிவைக்கப்பட்ட புனித நீரால் அம்மனுக்கு அபிஷேகம் நடத்தப்பட்டது.

இதைத் தொடா்ந்து கோயிலில் பக்தா்கள் மேளதாளம் முழங்க கும்மியடித்தபடியும், பாடல்களைப் பாடியும் பக்தியை வெளிப்படுத்தினா்.

பின்னா், கோயில் அருகே கற்றாலை முள், இலந்தை முள், உடை முள்களால் 7 அடி உயரத்துக்கு அமைக்கப்பட்டிருந்த முள் படுக்கையில் கோயில் நிா்வாகி நாகராணி அம்மையாா் ஏறி நின்று சாமியாடியும், முள்களில் படுத்துக் கொண்டும் பக்தா்களுக்கு அருள்வாக்கு கூறினாா்.

திருப்புவனம் பகுதி மட்டுமல்லாது வெளி மாவட்டங்களைச் சோந்த பக்தா்களும் இவரிடம் அருள்வாக்கு பெற்றனா்.

நாகராணி அம்மையாா் கடந்த 46 ஆண்டுகளாக அதாவது சிறு வயது முதலே மண்டல பூஜையின் போது விரதமிருந்து கோயிலில் முள்படுக்கையில் அமா்ந்து அருள்வாக்கு கூறி வருவது குறிப்பிடத்தக்கது.