பிப்ரவரியில் மீண்டும் சென்னை வரும் மோடி? – எதற்காக தெரியுமா?

நாடாளுமன்ற தேர்தல் நெருங்கிவரும் நிலையில் ஒரே மாதத்தில் இருமுறை பிரதமர் மோடி தமிழ்நாட்டிற்கு வருகை தந்துள்ளார். இந்த ஆண்டில் மூன்றாவது முறையாக தமிழக பயணத்தை திட்டமிட்டுள்ள மோடி பிப்ரவரி இரண்டாவது வாரம் சென்னைக்கு வரவுள்ளதாக பாஜக தரப்பில் தகவல் தெரிவிக்கப்பட்டுள்ளது.

சென்னை புறநகர் பகுதியில் நடைபெறும் பாஜக மாநிலத் தலைவர் அண்ணாமலையின் ‘என் மண் என் மக்கள் ’ நிறைவு விழாவில் பிரதமர் பங்கேற்கவுள்ளதாக தெரிகிறது. இதனை பிப்ரவரி 2 வது வாரம் சென்னையில் நடத்த திட்டமிடப்பட்டுள்ளது.

தமிழகம் முழுவதும் உள்ள பாஜக தொண்டர்களை திரட்டி சென்னை புறநகர் பகுதியில் நிறைவு விழாவை நடத்துவதற்காக பாஜகவினர் இடத்தை தேர்வு செய்வதற்கான பணியில் ஈடுபட்டு வருகின்றனர்.

விரைவில் மாநாடு நடைபெறும் இடம் இறுதி செய்யப்பட்டு, பிரதமர் மோடியின் வருகை குறித்த தகவல் அதிகாரபூர்வமாக அறிவிக்கப்படும் என்றும் பாஜகவினர் தெரிவித்துள்ளனர்.