மேஷத்தில் இணையும் சந்திரனும் குருவும்.. உருவாகும் புதுயோகத்தால் வெல்லும் ராசிகள்

2024ஆம் ஆண்டில் ஜனவரி 18 மற்றும் 19ஆகிய நாட்களில் மேஷ ராசியில் கஜகேசரி யோகம் வருகிறது. சந்திர பகவானும் குரு பகவானும் ஒரே ராசியில் இணையும்போது இந்த மங்களகரான நிகழ்வு நடக்கிறது. அப்படி மேஷ ராசியில் சந்திரனும் குரு பகவானும் இணைகின்றன. இதனால் வரும் ஜனவரி 18, 19 ஆகிய இருநாட்களிலும் சுப காரியங்களை செய்யலாம். இந்த கஜகேசரி யோகத்தால் 3 ராசிகள் மேன்மையடைகின்றன.

மேஷம்: குருவின் இந்த மாற்றத்தால் தொழில் செய்யும் மேஷ ராசியினருக்கு தொழிலில் நல்ல லாபம் கிடைக்கும். புதிய ஆர்டர்கள் கிடைக்கும். இதனால் பொருளாதாரம் மேம்படும். பணியிடத்தில் பணிபுரியும் மேஷராசியினருக்கு அவரது திறமை வெளிப்பட்டு மேல் அதிகாரியிடம் நற்பெயர் கிட்டும்.

மிதுனம்: இந்த கஜகேசரி யோகத்தால் மிதுன ராசிக்கு சமூகத்தில் நற்பெயர் கிட்டும். பணியிடத்தில் பதவி உயர்வு அல்லது உங்களது திறமை வெளிப்படும். தொழில் செய்பவர்களுக்குக் கணிசமான லாபம் கிடைக்கும். திருமணம் நடைபெறாத 90ஸ் கிட்ஸ்களுக்கு நல்ல வரன் அமையும்.

கடகம்: இந்த கஜகேசரி யோகத்தால் தொழிலில் உயர் அலுவலர்களுடன் இருந்த கருத்து வேறுபாடு நீங்கும். புதிதாக வண்டி, வாகனம் வாங்கும் சூழல் உண்டாகும். இக்காலகட்டத்தில் குடும்பத்தில் வெகுநாட்களாக வாங்க நினைத்தவற்றை வாங்குவீர்கள். கணவன் -மனைவி இடையே மகிழ்ச்சி உண்டாகும்.